ചി​കി​ത്സ​യ്ക്കെ​ത്തി​യ യു​വ​തി​യെ പീ​ഡി​പ്പി​ക്കാ​ൻ ശ്ര​മി​ച്ച കേ​സ്; ഡോ​ക്ട​ർ റി​മാ​ൻ​ഡി​ൽ

ശ്രീ​ക​ണ്ഠ​പു​രം: ചി​കി​ത്സ​യ്ക്കാ​യി ക്ലി​നി​ക്കി​ലെ​ത്തി​യ യു​വ​തി​യെ പീ​ഡി​പ്പി​ക്കാ​ൻ ശ്ര​മി​ച്ച കേ​സി​ൽ അ​റ​സ്റ്റി​ലാ​യ ഡോ. ​പ്ര​ശാ​ന്ത് ജി. ​നാ​യി​കി​നെ റി​മാ​ൻ​ഡ് ചെ​യ്ത് തോ​ട്ട​ട​യി​ലെ കോ​വി​ഡ് നി​രീ​ക്ഷ​ണ കേ​ന്ദ്ര​ത്തി​ലേ​ക്ക് മാ​റ്റി.

ഇ​ന്ന​ലെ ഉ​ച്ച​യ്ക്കാ​ണ് ശ്രീ​ക​ണ്ഠ​പു​രം ബ​സ് സ്റ്റാ​ൻ​ഡി​ന് സ​മീ​പം എ​സ്എം​സി ക്ലി​നി​കി​ലെ ഡോ​ക്ട​റാ​യ ബം​ഗ​ളൂ​രു ആ​ർ​ടി ന​ഗ​റി​ലെ പ്ര​ശാ​ന്ത്.​ജി. നാ​യി​കി​നെ (46) ശ്രീ​ക​ണ്ഠ​പു​രം സി​ഐ ഇ.​പി. സു​രേ​ശ​നും സം​ഘ​വും അ​റ​സ്റ്റ് ചെ​യ്ത​ത്. ഇ​യാ​ൾ വ​ർ​ഷ​ങ്ങ​ളാ​യി ത​ളി​പ്പ​റ​മ്പ് തൃ​ച്ചം​ബ​രം എ​ല​ത്താ​ളം വ​യ​ലി​ൽ വാ​ട​ക വീ​ട്ടി​ലാ​ണ് താ​മ​സം.

ക​ഴി​ഞ്ഞ ചൊ​വ്വാ​ഴ്ച ഉ​ച്ച​യ്ക്കാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ചെ​വി​വേ​ദ​ന​യെ തു​ട​ർ​ന്ന് ക്ലി​നി​ക്കി​ലെ​ത്തി​യ മ​ല​പ്പ​ട്ടം സ്വ​ദേ​ശി​യാ​യ യു​വ​തി​യെ പീ​ഡി​പ്പി​ക്കാ​ൻ ശ്ര​മി​ച്ച​താ​യാ​ണ് പ​രാ​തി.

നേ​ര​ത്തെ ശ്രീ​ക​ണ്ഠ​പു​രം ടൗ​ണി​ൽ പ​യ്യാ​വൂ​ർ റോ​ഡി​ൽ ആ​ശു​പ​ത്രി ന​ട​ത്തി​യി​രു​ന്ന ഇ​യാ​ൾ കാ​ലാ​വ​ധി ക​ഴി​ഞ്ഞ മ​രു​ന്നു​ക​ൾ വി​ൽ​ക്കു​ക​യും ലൈ​സ​ൻ​സി​ല്ലാ​തെ ഫാ​ർ​മ​സി ന​ട​ത്തി​യ​തി​നും ക​ണ്ണൂ​ർ ഡ്ര​ഗ്സ് ക​ൺ​ട്രോ​ൾ അ​ധി​കൃ​ത​ർ റെ​യ്ഡ് ന​ട​ത്തു​ക​യും 25 ല​ക്ഷ​ത്തോ​ളം രൂ​പ​യു​ടെ മ​രു​ന്നു​ക​ൾ ക​ണ്ടു​കെ​ട്ടി ആ​ശു​പ​ത്രി അ​ട​പ്പി​ക്കു​ക​യും ചെ​യ്തി​രു​ന്നു.