വൈപ്പിൻ: പ്രായപൂർത്തിയാകാത്ത പ്ലസ് ടു വിദ്യാർഥിനിയെ നിരന്തരം പീഡിപ്പിച്ച കേസിൽ അറസ്റ്റിലായ യുവാവിനെ ഞാറക്കൽ ഫസ്റ്റ്ക്ളാസ് മജിസ്ട്രേറ്റ് കോടതി റിമാൻഡ് ചെയ്തു. എടവനക്കാട് പടിഞ്ഞാറ് കാവുങ്കൽ ഗോഗുൽ (22) ആണ് റിമാൻഡിലായത്.
എളങ്കുന്നപ്പുഴ സ്വദേശിനിയായ ബാലികയെ ഈ വർഷം ജൂണ്‍മുതൽ ആണ് യുവാവ് പീഡിപ്പിച്ചു വരുന്നതെന്ന് പോലീസ് പറയുന്നു. യുവാവിന്‍റെ ഒരു സ്ത്രീ സുഹൃത്തു മുഖേന മറൈൻ ഡ്രൈവിൽ വെച്ചാണ് ബാലികയെ യുവാവ് പരിചയപ്പെടുന്നത്.
എടവനക്കാട് നിന്നും ഞാറക്കൽ സിഐ എ എ അഷറഫിന്‍റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്. എസ് ഐ ആർ രഗീഷ്കുമാർ, സിപിഒ മാരായ രാജേഷ്, പ്രവീണ്‍ , വിജയ് എന്നിവരും അറസ്റ്റ് ചെയ്ത സംഘത്തിൽ ഉണ്ടായിരുന്നു.
