കൊച്ചി: അഭിമുഖത്തിനെത്തിയ യുവതിയെ കയറിപ്പിടിക്കാൻ ശ്രമിച്ച ചാർട്ടേഡ് അക്കൗണ്ടന്‍റ് അറസ്റ്റിൽ. കലൂരിൽ ചാർട്ടേഡ് അക്കൗണ്ടൻസി സ്ഥാപനം നടത്തുന്ന വാഴക്കാല സ്വദേശി ജയറാം വി. അയ്യറാണ് (59) പിടിയിലായത്. 21 കാരിയായ യുവതിയെ കയറിപിടിക്കാൻ ശ്രമിച്ചെന്ന കേസിലാണ് എറണാകുളം നോർത്ത് പോലീസ് ഇയാളെ അറസ്റ്റ് ചെയ്തത്.
ഒരു സ്വകാര്യ കണ്‍സൾട്ടൻസി സ്ഥാപനത്തിന്‍റെ നിർദേശപ്രകാരമാണു യുവതിയുൾപ്പെടെ നാല് ഉദ്യോഗാർഥികൾ അഭിമുഖത്തിന് എത്തിയത്. മറ്റു മൂന്നു പേരെയും തിരിച്ചയച്ചശേഷമാണു യുവതിയെ അപമാനിക്കാൻ ശ്രമിച്ചത്. സ്ത്രീത്വത്തെ അപമാനിച്ചതിനാണു കേസെടുത്തിരിക്കുന്നത്.
