ഇരിട്ടി: കെഎസ്ആർടിസി ബസിൽ കോളജ് വിദ്യാർഥിനിയെ പീഡിപ്പിക്കാൻ ശ്രമം. പ്രതിയെ അറസ്റ്റ് ചെയ്തു. ഇരിട്ടിയിൽ നിന്നും ഉളിക്കൽ വഴി ആലക്കോട് പോകുകയായിരുന്ന ബസിലാണ് വിദ്യാർഥിനിയെ ശല്യം ചെയ്തതത്. കീഴ്പ്പള്ളിയിലെ കുഴികണ്ണി ജിതേഷിനെ (33) യാണ് ഉളിക്കൽ എസ്ഐ കെ.വി നിഷിത്ത്, എഎസ്ഐ നാസർ പൊയിലൻ , സിപിഒ അനൂപ് എന്നിവർ ചേർന്ന് അറസ്റ്റ് ചെയ്തത്.
പ്രതിയെ മട്ടന്നൂർ കോടതിയിൽ ഹാജരാക്കി റിമാൻഡ് ചെയ്തു.വിദ്യാർഥിനിയെ ജിതേഷ് ബസിൽ പീഡിപ്പിക്കാൻ ശ്രമിച്ചപ്പോൾ മാറി നിൽക്കാൻ പറഞ്ഞുവെങ്കിലും പീഡന ശ്രമം തുടരുകയും വിദ്യാർഥിനി ബഹളം വെച്ചതിനെ തുടർന്ന് സഹ യാത്രികരുടെ ആവശ്യപ്രകാരം ഉളിക്കൽ സ്റ്റേഷനിലേക്ക് കൊണ്ടുപോകുകയും പ്രതിയെ കസ്റ്റഡിയിൽ എടുക്കുകയും പിന്നീട് അറസ്റ്റ് ചെയ്യുകയുമായിരുന്നു. വിദ്യാർഥിനി പരാതി എഴുതി നൽകുകയും ചെയ്തു.
