തിരുവനന്തപുരം: പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതിയെ തിരുവനന്തപുരം സിറ്റി ഷാഡോ പോലീസ് പിടികൂടി. പൂജപ്പുര ജഗതിയിൽ മൈത്രി നഗറിൽ, മണൽപ്പുറം പുത്തൻ വീട്ടിൽ മനോജിനെ (33) യാണ് പൂജപ്പുര പോലീസ് അറസ്റ്റ് ചെയ്തത്.
പ്ലസ് വണ്‍ വിദ്യാർഥിയായ പെണ്‍കുട്ടിയെയാണ് മനോജ് പീഡിപ്പിച്ചത്. പീഡനവിവരം പുറത്തറിയിക്കാതിരിക്കാൻ പെണ്‍കുട്ടിയെ നിരന്തരം ഭിഷണിപ്പെടുത്തി. ഭീഷണി സഹിക്കവയ്യാതെ പെണ്‍കുട്ടി ആത്മഹത്യക്ക് ശ്രമിച്ച് ആശുപത്രിയിൽ ആയി എങ്കിലും ഭീഷണിയെ തുടർന്ന് പീഡനവിവരം മറച്ചുവയ്ക്കുകയായിരുന്നു. എന്നാൽ പെണ്‍കുട്ടിയുടെ വീട്ടുകാർക്ക് സംശയം ഉണ്ടായതിനെ തുടർന്ന് ഷാഡോ പോലീസിന്റെ സഹായം തേടുകയും വനിതാ ഷാഡോ പോലീസും ചൈൽഡ് ലൈൻ പ്രവർത്തകരും പീഡന വിവരം പുറത്തു കൊണ്ടുവരികയായിരുന്നു.
തിരുവനന്തപുരം സിറ്റി കണ്ട്രോൾ റൂം അസി. കമ്മീഷണർ സുരേഷ് കുമാർ, പൂജപ്പുര എസ്ഐ രാകേഷ്, ക്രൈം എസ്ഐമാരായ ചന്ദ്രബാബു, മോഹനൻ, ഷാഡോ എസ്ഐ സുനിൽ ലാൽ, സിറ്റി ഷാഡോ പോലീസ് ടീം അഗങ്ങൾ എന്നിവരടങ്ങിയ അന്വേഷണ സംലമാണ് അറസ്റ്റിന് നേതൃത്വം നല്കിയത്.
