ശാസ്താംകോട്ട: പട്ടികജാതി പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച ശേഷം വർഷങ്ങളായി ഒളിവിൽ കഴിഞ്ഞു വരികയായിരുന്ന പ്രതിയെ 18 വർഷങ്ങൾക്ക് ശേഷം പോലീസ് പിടികൂടി.
ആലപ്പുഴ വള്ളികുന്നം കടുവിങ്കൽ അമ്പാടി വീട്ടിൽ മനോജ് കുമാർ (39)ആണ് ശാസ്താംകോട്ട പോലീസിന്‍റെ പിടിയിലായത്. 2002 ആഗസ്റ്റിൽ ആയിരുന്നു കേസിനാസ്പദമായ സംഭവം.
പ്രൈവറ്റ് ബസ് ക്ളീനറായ പ്രതി വിവാഹ വാഗ്ദാനം നൽകി പെൺകുട്ടിയെ പല സ്ഥലങ്ങളിൽ കൊണ്ട് പോയി പീഡിപ്പിച്ച ശേഷം വിവാഹം കഴിക്കാതെ കടന്നു കളയുകയും പോലീസിൽ പിടി കൊടുക്കാതെ പല സ്ഥലങ്ങളിൽ ഒളിവിൽ കഴിഞ്ഞു വരികയുമായായിരുന്നുവെന്നാണ് കേസ്.
ഇയാൾ നിലവിൽ വള്ളികുന്നം പ്രദേശത്തു താമസിച്ചു വരുന്നതായി രഹസ്യവിവരം ലഭിച്ചതിനെ തുടർന്ന് ശാസ്താംകോട്ട സർക്കിൾ ഇൻസ്‌പെക്ടർ അനൂപിന്‍റെ നിർദേശപ്രകാരം ശാസ്താംകോട്ട എസ് ഐ അനീഷ്‌, എ എസ് ഐ മാരായ രാജേഷ്, ബിമൽ ഘോഷ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
