ഒ​ഡീ​ഷ പെ​ൺ​കു​ട്ടി​യെ വീ​ട്ടു​ത​ട​ങ്ക​ലി​ലാ​ക്കി പീ​ഡ​നം; രക്ഷപ്പെട്ട പെൺകുട്ടിക്കെതിരെ വ്യാജ പരാതി നൽകി വീട്ടമ്മ; കുട്ടിയെ പിടികൂടി യപ്പോൾ ലഭിച്ച വിവരങ്ങൾ ഞെട്ടിക്കുന്നത്

ക​ള​മ​ശേ​രി: ഒ​ഡീ​ഷ പെ​ൺ​കു​ട്ടി​യെ വീ​ട്ടു​ത​ട​ങ്ക​ലി​ലാ​ക്കി ജോ​ലി ചെ​യ്യി​ക്കു​ക​യും ര​ക്ഷ​പ്പെ​ടാ​തി​രി​ക്കാ​ൻ സ്വ​ർ​ണം മോ​ഷ്ടി​ച്ചെ​ന്ന് വ്യാ​ജ പ​രാ​തി​യും ന​ൽ​കി​യ സം​ഭ​വ​ത്തി​ൽ പ്ര​തി​യാ​യ വീ​ട്ട​മ്മ​യെ ര​ക്ഷി​ക്കാ​ൻ  ഉ​ന്ന​ത​ത​ല ശ്ര​മ​മെ​ന്ന് ആ​രോ​പ​ണം. ക​ഴി​ഞ്ഞ ശ​നി​യും ഞാ​യ​റും പോ​ലീ​സി​നെ വ​ട്ടം ചു​റ്റി​ച്ച കേ​സൊ​തു​ക്കാ​ൻ പോ​ലീ​സി​ലെ ത​ന്നെ ഉ​ദ്യോ​ഗ​സ്ഥ​ർ ശ്ര​മി​ക്കു​ന്ന​താ​യാ​ണ് സൂ​ച​ന.

ക​ള​മ​ശേ​രി ച​ങ്ങ​മ്പു​ഴ ന​ഗ​റി​ലെ എം 2 ​വി​ൽ താ​മ​സി​ക്കു​ന്ന രോ​ഷ്നി നാ​യ​ർ​ക്ക് എ​തി​രെ ഇ​തി​നു മു​മ്പും ബാ​ല​പീ​ഡ​ന​ത്തി​ന് കേ​സു​ണ്ടാ​യി​രു​ന്ന​താ​ണ്. ഇ​ത്ത​വ​ണ പോ​ലീ​സി​നെ പ​റ്റി​ച്ച​തി​ന് കൂ​ടി കേ​സെ​ടു​ക്കേ​ണ്ട​താ​ണ്. പീ​ഢ​നം സ​ഹി​ക്കാ​ൻ ക​ഴി​യാ​തെ​യാ​ണ് പെ​ൺ​കു​ട്ടി വീ​ട്ടി​ൽ നി​ന്ന് ര​ക്ഷ​പ്പെ​ട്ട​ത്. നാ​മ​മാ​ത്ര​മാ​യ തു​ക​യ​ല്ലാ​തെ ശ​മ്പ​ള​മൊ​ന്നും ത​ന്നെ പെ​ൺ​കു​ട്ടി​ക്ക് ന​ൽ​കി​യി​രു​ന്നി​ല്ല. പ​ല​പ്പോ​ഴും മു​ടി മു​റി​ച്ച് ക​ള​യു​ക​യും മ​ർ​ദി​ക്കു​ക​യും ചെ​യ്യു​മാ​യി​രു​ന്നെ​ന്നും ക​ണ്ടെ​ത്തി​യി​രു​ന്നു.

എ​ന്നാ​ൽ ര​ക്ഷ​പ്പെ​ട്ട ദി​നം വേ​ല​ക്കാ​രി ത​ന്നെ മു​റി​യി​ൽ പൂ​ട്ടി​യി​ട്ട് സ്വ​ർ​ണം മോ​ഷ്ടി​ച്ചു കൊ​ണ്ടു​പോ​യെ​ന്ന പേ​രി​ലാ​ണ്  രോ​ഷ്നി നാ​യ​ർ ക​ള​മ​ശേ​രി പോ​ലീ​സ് സ്റ്റേ​ഷ​നി​ൽ  എ​ത്തി​യ​ത്. അ​ക​മ്പ​ടി​യാ​യി പൊ​ട്ടി​ക്ക​ര​യു​ക​യും ചെ​യ്തു. എ​ന്നാ​ൽ ക​ള​മ​ശേ​രി പോ​ലീ​സ് ശ​നി​യാ​ഴ്ച രാ​ത്രി മ​ണി​ക്കൂ​റു​ക​ൾ​ക്ക​കം ഒ​ഡീ​ഷ യു​വ​തി​യെ പി​ടി​കൂ​ടി​യ​തോ​ടെ കെ​ട്ടു​ക​ഥ​യു​ടെ ചു​രു​ൾ അ​ഴി​യു​ക​യാ​യി​രു​ന്നു.ന​ഷ്ട​പ്പെ​ട്ടെ​ന്നസ്വ​ർ​ണ്ണം ക​ട്ടി​ലി​ന​ടി​യി​ൽ പ​ഴ​യ വ​സ്ത്ര​ങ്ങ​ൾ​ക്കി​ട​യി​ൽ സൂ​ക്ഷി​ച്ചി​രു​ന്ന​താ​യി പോ​ലീ​സ് സം​ഘം ക​ണ്ടെ​ത്തി.

പ്ര​തി​യെ ഇ​തു​വ​രെ കോ​ട​തി​യി​ൽ ഹാ​ജ​രാ​ക്കാ​ൻ പോ​ലീ​സ് ത​യാ​റാ​യി​ട്ടി​ല്ല. ബം​ഗാ​ളി യു​വ​തി​യെ കാ​ക്ക​നാ​ട് റെ​സ്ക്യു ഹോ​മി​ൽ കൊ​ണ്ടു​ചെ​ന്നാ​ക്കു​ക​യും ചെ​യ്തു. വീ​ട്ടി​ൽ നി​ന്ന് ര​ക്ഷ​പ്പെ​ട്ട പെ​ൺ​കു​ട്ടി​യെ പോ​ലീ​സ് ക​ണ്ടെ​ത്തു​ന്ന സ​മ​യ​ത്ത് ദേ​ഹ​ത്ത് മ​ർ​ദ്ദ​ന​മേ​റ്റ പാ​ടു​ക​ൾ ഉ​ണ്ടാ​യി​രു​ന്നു. പെ​ൺ​കു​ട്ടി​ക്ക് 15 വ​യ​സു​ള്ള സ​മ​യ​ത്താ​ണ് ഈ ​വീ​ട്ടി​ൽ എ​ത്തി​ച്ചേ​ർ​ന്ന​തെ​ന്നും അ​റി​യാ​ൻ ക​ഴി​ഞ്ഞി​ട്ടു​ണ്ട്. പ​ക്ഷെ ഒ​ഡീ​ഷ യു​വ​തി​യു​ടെ പ​രാ​തി ഇ​തു​വ​രെ ര​ജി​സ്റ്റ​ർ ചെ​യ്തി​ട്ടി​ല്ല. തൃ​ക്കാ​ക്ക​ര അ​സി. ക​മ്മീ​ഷ​ണ​റു​ടെ കീ​ഴി​ലാ​ണ് ക​ള​മ​ശേ​രി പോ​ലീ​സ് സ്റ്റേ​ഷ​ൻ വ​രു​ന്ന​ത്.