തൊടുപുഴ: യുവതിയെ വിവാഹവാഗ്ദാനം നല്‍കി പീഡിപ്പിച്ച കേസില്‍ യുവാവ് അറസ്റ്റില്‍. കട്ടപ്പന നരിയംപാറ കരിമ്പോലിക്കല്‍ പ്രണവ് (21) ആണു പിടിയിലായത്. കട്ടപ്പന പോലീസ് രജിസ്റ്റര്‍ ചെയ്ത കേസിലാണ് അറസ്റ്റ്.
വൈപ്പിന്‍ സ്വദേശിനിയായ 21കാരിയെ വീട്ടുകാര്‍ ഇല്ലാതിരുന്ന ദിവസം വീട്ടിലേക്കു വിളിച്ചുവരുത്തി പീഡിപ്പിച്ചതായാണ് കേസ്. പോലീസ് അന്വേഷണം ആരംഭിച്ചതിനെത്തുടര്‍ന്ന് സ്ഥലത്തുനിന്നു മുങ്ങിയ പ്രതി തൊടുപുഴയിലെ സ്വകാര്യ ആശുപത്രിയിലെ കാന്‍റീനില്‍ ജോലി ചെയ്തുവരികയായിരുന്നു.
ഇവിടെനിന്നു പിടികൂടിയ പ്രതിയെ പിന്നീട് കട്ടപ്പന പോലീസിനു കൈമാറി. തൊടുപുഴ ഡിവൈഎസ്പി എം.ആര്‍. മധുബാബുവിന്‍റെ നേതൃത്വത്തിലായിരുന്നു അറസ്റ്റ്.
സ്‌ക്വാഡ് അംഗങ്ങളായ എസ്‌ഐ ഷംസുദീന്‍, എഎസ്‌ഐ ഉണ്ണികൃഷ്ണന്‍, സിപിഒ ഹരീഷ് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.
