പേട്ട: വിവാഹവാഗ്ദാനം നൽകി വീട്ടമ്മയെ പീഡിപ്പിച്ച കേസിൽ പ്രതി അറസ്റ്റിൽ. വഞ്ചിയൂർ പാറ്റൂർ റോഡിൽ , വയൽ നികത്തിയ പുരയിടം വീട്ടിൽ പ്രവീണ്‍ കുമാർ എന്ന കുഞ്ഞുമോൻ(31) യാണ് പോലീസ് അറസ്റ്റ് ചെയ്തത്. യുവതിയുടെ സ്വർണാഭരണങ്ങൾ കരസ്ഥമാക്കുകയും തുടർന്ന് യുവതിയുടെ പെണ്‍മക്കളെയും പീഡിപ്പിക്കുകയും ചെയ്തതായി പോലീസ് പറയുന്നു.
വേളാങ്കണ്ണിയിലും മറ്റും ഒളിവിൽ താമസിച്ചുവന്നിരുന്ന പ്രതിയെ ശംഖുമുഖം എസിപി ഷാനിഹാൻ, പേട്ട പോലീസ് ഇൻസ്പെക്ടർ സുരേഷ്.വി.നായർ, വഞ്ചിയൂർ എസ്ഐ അശോക് കുമാർ, എസ്‌സിപിഒ രാജേഷ് എന്നിവർ ഉൾപ്പെട്ട അന്വേഷണ സംഘമാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
