അപകടത്തിൽപ്പെട്ട്  ചി​കി​ത്സ​യ്ക്കെ​ത്തി​യ യു​വ​തി​യെ  ക​ട​ന്നു​പി​ടി​ച്ച് ആശുപത്രി ജീവനക്കാരൻ; എക്സറേ എടുക്കാൻ കൊണ്ടുപോകുന്നതിനിടെ രാജേന്ദ്രൻ ‍ആക്രമിക്കുകയായിരുന്നുവെന്ന് യുവതി

ക​ള​മ​ശേ​രി: അ​പ​ക​ട​ത്തി​ൽ പ​രി​ക്കേ​റ്റ് ചി​കി​ത്സ​യ്ക്കാ​യെ​ത്തി​യ യു​വ​തി​യെ ക​ട​ന്നു​പി​ടി​ക്കാ​ൻ ശ്ര​മി​ച്ച ആ​ശു​പ​ത്രി ജീ​വ​ന​ക്കാ​ര​നെ പോ​ലീ​സ് പി​ടി​കൂ​ടി. പാ​താ​ളം ഇ​എ​സ്ഐ ജീ​വ​ന​ക്കാ​ര​ൻ കൊ​ല്ലം സ്വ​ദേ​ശി രാ​ജേ​ന്ദ്ര​ൻ (50 ) ആ​ണ് പി​ടി​യി​ലാ​യ​ത്.

ഇ​ന്ന​ലെ വൈ​കി​ട്ട് അ​ഞ്ചോ​ടെ​യാ​ണ് സം​ഭ​വം. ഏ​ലൂ​ർ മേ​ത്താ​നം പാ​ല​ത്തി​ന് സ​മീ​പ​ത്തു​ണ്ടാ​യ അ​പ​ക​ട​ത്തി​ൽ പ​രി​ക്കേ​റ്റ യു​വ​തി​യെ​യും ഭ​ർ​ത്താ​വി​നെ​യും പാ​താ​ളം ഇ​എ​സ്ഐ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​പ്പോ​ഴാ​ണ് ജീ​വ​ന​ക്കാ​ര​ൻ മോ​ശ​മാ​യി പെ​രു​മാ​റി​യ​ത്.

കാ​ലി​നു പ​രി​ക്കേ​റ്റ യു​വ​തി​യെ കാ​ഷ്വാ​ലി​റ്റി​യി​ൽ​നി​ന്ന് എ​ക്സ​റേ എ​ടു​ക്കു​ന്ന മു​റി​യി​ലേ​ക്കു കൊ​ണ്ടു​പോ​കു​ന്ന​തി​നി​ട​യി​ലാ​ണ് ഇ​യാ​ൾ യു​വ​തി​യെ ക​യ​റി​പി​ടി​ക്കാ​ൻ ശ്ര​മി​ച്ച​ത്. കു​ത​റി മാ​റി​യ യു​വ​തി ഒ​ച്ച​വ​ച്ച​തോ​ടെ മ​റ്റു ജീ​വ​ന​ക്കാ​രും രോ​ഗി​ക​ളും ചേ​ർ​ന്ന് ഇ​യാ​ളെ പി​ടി​കൂ​ടു​ക​യാ​യി​രു​ന്നു.