കുടയത്തൂർ : മദ്യപിച്ച് സ്കൂളിലെത്തി ബഹളമുണ്ടാക്കിയ ഹെഡ്മാസ്റ്ററെ പോലീസ് അറസ്റ്റ് ചെയ്തു. കുടയത്തൂർ ഗവ. ന്യൂ എൽപി സ്കൂളിലാണ് സംഭവം. ഹെഡ്മാസ്റ്ററായ കോട്ടയം കിടങ്ങൂർ സ്വദേശി രമേഷ് കുമാറാണ് അറസ്റ്റിലായത്.
സ്കൂളിൽ ബഹളമുണ്ടാക്കുകയും പാചകക്കാരിയോട് അപമര്യാദയായി പെരുമാറുകയും അസഭ്യം പറയുകയും ചെയ്തതിനെ തുടർന്ന് മറ്റ് സ്കൂൾ ജീവനക്കാരാണ് പോലീസിൽ അറിയിച്ചത്. തുടർന്ന് കാഞ്ഞാർ എസ്ഐ പി.എം ഷാജി സ്കൂളിലെത്തി ഹെഡ്മാസ്റ്ററെ അറസ്റ്റ് ചെയ്തു. വൈദ്യപരിശോധനയിൽ മദ്യപിച്ചിരുന്നതായി തെളിഞ്ഞു. രമേഷ് കുമാറിനെ പിന്നീട് ജാമ്യത്തിൽ വിട്ടയച്ചു.
