പയ്യന്നൂർ:സൈക്കിള്‍ യാത്രക്കിടയില്‍ വിദ്യാര്‍ഥിയെ പീഡിപ്പിക്കാൻ ശ്രമിച്ച യുവാവ് അറസ്റ്റില്‍.കരിവെള്ളൂരിലെ സജീഷി (35) നെയാണ് പയ്യന്നൂര്‍ എസ്‌ഐ കെ.പി.ഷൈന്‍ അറസ്റ്റ് ചെയ്തത്.ഇന്നു രാവിലെ എട്ടരയോടെയാണ് സംഭവം.പയ്യന്നൂരിലെ ഒരാശുപത്രിയില്‍ ചികിത്സയിലുള്ള ബന്ധുവിന് പ്രഭാത ഭക്ഷണം കൊടുത്ത് സൈക്കിളില്‍ തിരിച്ചു വരികയായിരുന്നു വിദ്യാര്‍ഥി.
ഇതിനിടയിലാണ് സജീഷ് കൈനീട്ടി തന്നേയും കയറ്റണമെന്ന് പറഞ്ഞ് സൈക്കിള്‍ നിര്‍ത്തിച്ചത്. സൈക്കിള്‍ ചവിട്ടി പോകുന്നതിനിടയിലാണ് സൈക്കിളിന്‍റെ മുന്നിലിരുന്നിരുന്ന വിദ്യാര്‍ഥിക്ക് നേരെ പീഡന ശ്രമം നടന്നത്.സൈക്കിള്‍ നിര്‍ത്തിച്ച വിദ്യാര്‍ഥി ഓടി രക്ഷപ്പെട്ട് വിവരം പറയുകയായിരുന്നു. ഇതേ തുടര്‍ന്ന് നാട്ടുകാര്‍ ചേര്‍ന്ന് പിടികൂടിയ ഇയാളെ പോലീസിലേല്‍പ്പിച്ചു. ഇയാളെ ഇന്ന് കോടതിയില്‍ ഹാജരാക്കും.
