ചെറുപുഴ: ഒമ്പതാം ക്ലാസ് വിദ്യാർഥിനിയെ പീഡിപ്പിക്കാൻ ശ്രമിച്ച കേസിൽ യുവാവ് അറസ്റ്റിൽ. ഓലയമ്പാടി പെരുവാമ്പയിലെ ടി.എസ്. സിജു സെബാസ്റ്റ്യനെ (42) യാണ് പെരിങ്ങോം എസ്ഐ മഹേഷ് കെ. നായരും സംഘവും അറസ്റ്റ് ചെയ്തത്. കഴിഞ്ഞ ശനിയാഴ്ച സ്കൂൾ വിട്ട് വരികയായിരുന്ന വിദ്യാർഥിനിയെ പരിചയം നടിച്ച് പീഡിപ്പിക്കാൻ ശ്രമിക്കുകയായിരുന്നുവെന്നാണ് പരാതി. പീഡനശ്രമത്തിനിടെ കുട്ടിയുടെ കമ്മലും നഷ്ടപ്പെട്ടു. പ്രതിയെ ഇന്ന് കോടതിയിൽ ഹാജരാക്കും.
