വൈക്കം: ഉറങ്ങിക്കിടന്ന ബാലികയെ പീഡിപ്പിക്കാൻ ശ്രമിച്ച കേസിൽ യുവാവിനെ പോലീസ് അറസ്റ്റ് ചെയ്തു.ബാലികയെ ഒരു വർഷം മുന്പ് പീഡിപ്പിക്കാൻ ശ്രമിച്ച കേസിലാണ് കടുത്തുരുത്തി മധുരവേലി സ്വദേശിയായ സുരേഷ് കുമാറി (38) നെ അറസ്റ്റ് ചെയ്തത്.
ഇയാൾ ഒരു വർഷം മുന്പ് ബാലികയുടെ വീട്ടിൽ എത്തിയപ്പോഴാണ് പീഡിപ്പിക്കാൻ ശ്രമിച്ചത്. നന്നായി പഠിച്ചിരുന്ന ബാലിക പഠനത്തോട് വിമുഖത കാട്ടിത്തുടങ്ങിയതോടെ അധ്യാപകർ കൗണ്‍സിലിംഗിനു വിധേയയാക്കിയപ്പോഴാണ് ബന്ധുവിൽ നിന്നുണ്ടായ ദുരനുഭവം ബാലിക പറഞ്ഞത്.
ചൈൽഡ് ലൈൻ നൽകിയ പരാതിയെ തുടർന്നാണ് പോലീസ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
