തെന്മല : പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച കേസില്‍ തെന്മലയില്‍ രണ്ടുപേര്‍ അറസ്റ്റിലായി. കഴുതുരുട്ടി അമ്പനാട് എസ്റ്റേറ്റ് അരണ്ടല്‍ ഡിവിഷനില്‍ മുത്തുകുമാര്‍ (34) ആണ് തെന്മല പോലീസിന്‍റെ പിടിയിലായത്.
ഇയാള്‍ 16 വയസുള്ള പെണ്‍കുട്ടിയെ വര്‍ഷങ്ങളായി പീഡിപ്പിച്ചു വരികയായിരുന്നുവെന്ന് പോലീസ് പറഞ്ഞു. തെന്മല പോലീസ് സ്റ്റേഷന്‍ പരിധിയില്‍ ഇടമന്‍ വലിയവിള കിഴക്കതില്‍ വീട്ടില്‍ മീട്ടു എന്ന് വിളിക്കപ്പെടുന്ന ബിജിന്‍ (21) ആണ് പിടിയിലായ മറ്റൊരു പ്രതി.
ഇയാള്‍ പതിനാല് കാരിയെ മാസങ്ങളായി പീഡിപ്പിച്ചുവരികയായിരുന്നുവെന്ന് പോലീസ് കണ്ടെത്തിയിട്ടുണ്ട്. തെന്മല സര്‍ക്കിള്‍ ഇന്‍സ്പെക്ടര്‍ വിശ്വംഭരന്‍റെ നേതൃത്വത്തിലുള്ള പോലീസ് സംഘമാണ് പ്രതികളെ അറസ്റ്റ് ചെയ്തത്.
ഇരുവര്‍ക്കുമെതിരെ പോക്സോ അടക്കമുള്ള വകുപ്പുകള്‍ ചുമത്തിയിട്ടുണ്ട്. കോടതിയില്‍ ഹാജരാക്കിയ പ്രതികളെ റിമാന്‍റ് ചെയ്തു.
