നാ​ലു വ​യ​സു​കാ​രി​യെ പീ​ഡി​പ്പി​ച്ച സംഭവം; യുവാവിനെ ര​ണ്ട​ര വ​ർ​ഷം ത​ട​വി​നും 2000 രൂ​പ പി​ഴ​യ​ട​ക്കാ​നും കോടതി ശി​ക്ഷി​ച്ചു; ബാലികയ് ക്ക് 25000 രൂപ നൽകാനും നിർദേശം

മ​ഞ്ചേ​രി: നാ​ലു വ​യ​സു​കാ​രി​യെ പീ​ഡി​പ്പി​ച്ച ഇ​രു​പ​ത്തി​യാ​റു​കാ​ര​നെ മ​ഞ്ചേ​രി അ​ഡീ​ഷ​ണ​ൽ ജി​ല്ലാ സെ​ഷ​ൻ​സ് കോ​ട​തി (ഒ​ന്ന്)  ര​ണ്ട​ര വ​ർ​ഷം ത​ട​വി​നും 2000 രൂ​പ പി​ഴ​യ​ട​ക്കാ​നും ശി​ക്ഷി​ച്ചു. പി​ഴ​യ​ട​ക്കാ​ത്ത പ​ക്ഷം ര​ണ്ടു​മാ​സ​ത്തെ അ​ധി​ക ത​ട​വ് അ​നു​ഭ​വി​ക്ക​ണം. ചു​ങ്ക​ത്ത​റ മു​ണ്ട​പ്പാ​ടം ന​റു​ക്കി​ൽ ര​ഞ്ജി​ത്തി (26)നെ​യാ​ണ് ശി​ക്ഷി​ച്ച​ത്. 2014 ജ​നു​വ​രി അ​ഞ്ചി​നു രാ​ത്രി എ​ട്ട​ര​ക്കാ​ണ് സം​ഭ​വം. പ​രാ​തി​യിൽ ജ​നു​വ​രി പ​ത്തി​നു നി​ല​ന്പൂ​ർ സി​ഐ പ്ര​തി​യെ അ​റ​സ്റ്റ് ചെ​യ്തി​രു​ന്നു.

കു​ട്ടി​യെ ബ​ലാ​ത്സംഗം ചെ​യ്ത​തി​നു ഇ​ന്ത്യ​ൻ ശി​ക്ഷാ നി​യ​മം 376 പ്ര​കാ​രം ര​ണ്ടു വ​ർ​ഷം ത​ട​വു​ശി​ക്ഷ വി​ധി​ച്ചി​ട്ടു​ണ്ട്. എ​ന്നാ​ൽ ശി​ക്ഷ ഒ​രു​മി​ച്ച​നു​ഭ​വി​ച്ചാ​ൽ മ​തി. റി​മാ​ൻ​ഡ് കാ​ലാ​വ​ധി ശി​ക്ഷ​യാ​യി പ​രി​ഗ​ണി​ക്കും. പീ​ഡ​ന​ത്തി​നി​ര​യാ​യ ബാ​ലി​ക​യ്ക്ക് സ​ർ​ക്കാ​രി​ന്‍റെ വി​ക്ടിം കോം​പ​ൻ​സേ​ഷ​ൻ ഫ​ണ്ടി​ൽ നി​ന്നു 25000 രൂ​പ ന​ൽ​ക​ണ​മെ​ന്നും ഇ​തി​നാ​യു​ള്ള ന​ട​പ​ടി ക്ര​മ​ങ്ങ​ൾ ന​ട​ത്താ​ൻ ജി​ല്ലാ ലീ​ഗ​ൽ സ​ർ​വീ​സ​സ് അ​ഥോ​റി​റ്റി​ക്ക് ജ​ഡ്ജി കെ.​പി.​സു​ധീ​ർ നി​ർ​ദേ​ശം ന​ൽ​കി. പ്രോ​സി​ക്യൂ​ഷ​നു വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ സാ​ജു ജോ​ർ​ജ് ഹാ​ജ​രാ​യി.