കോഴിക്കോട് : കോഴിക്കോട്ട് സിപിഎം നേതാവിനെതിരെ സിപിഐ വനിതാ നേതാവ് പോലീസില്‍ പീഡന പരാതി നൽകി.
പേരാമ്പ്ര ഏരിയ കമ്മിറ്റി അംഗവും പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി അംഗവുമായ കെ.പി. ബിജുവിനെതിരെയാണ് പരാതി ലഭിച്ചത്.
തന്നെ പീഡിപ്പിക്കാൻ ശ്രമിച്ചുവെന്നാണ് കോഴിക്കോട് സ്വദേശി തന്നെയായ വനിതാ നേതാവിന്‍റെ പരാതി. പരാതി സ്വീകരിച്ച മേപ്പയൂർ പോലീസ് ഇയാൾക്കെതിരെ പീഡനക്കുറ്റം ചുമത്തി കേസെടുത്തു.
ചെറുവണ്ണൂർ പഞ്ചായത്ത് മുൻ പഞ്ചായത്ത് പ്രസിഡന്‍റുമാണ് ബിജു. സംഭവത്തിന് പിന്നാലെ പ്രദേശത്ത് ബിജുവിനെതിരെ പോസ്റ്ററുകൾ പ്രത്യക്ഷപ്പെട്ടിട്ടുണ്ട്.
