പീഡിപ്പിച്ച ശേഷം ഭീഷണിപ്പെടുത്തി പണം ആവശ്യപ്പെട്ടു; ലൈം​ഗി​കാ​തി​ക്ര​മ​​ത്തി​ന് ഇ​ര​യാ​യ യു​വാ​വ് പ്ര​തി​യാ​യ 15 വ​യ​സു​കാ​ര​നെ കൊ​ന്ന ശേ​ഷം ജീ​വ​നൊ​ടു​ക്കി

ഭോ​പ്പാ​ൽ: മ​ധ്യ​പ്ര​ദേ​ശി​ലെ ഗ്വാ​ളി​യ​റി​ൽ 20 വ​യ​സു​ള്ള യു​വാ​വ് ത​ന്നെ ലൈം​ഗി​കാ​തി​ക്ര​മ​ത്തി​ന് ഇ​ര​യാ​ക്കി​യ 15 വ​യ​സു​കാ​ര​നെ കൊ​ല​പ്പെ​ടു​ത്തി​യ ശേ​ഷം ജീ​വ​നൊ​ടു​ക്കി.

ബു​ധ​നാ​ഴ്ച​യാ​ണ് 20 വ​യ​സു​ള്ള മേ​ക്ക​പ്പ് ആ​ർ​ട്ടി​സ്റ്റാ​യ യു​വാ​വി​നെ ഗ്വാ​ളി​യ​റി​ലെ വീ​ട്ടി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

യു​വാ​വി​ന്‍റെ ആ​ത്മ​ഹ​ത്യാ​ക്കു​റി​പ്പി​ൽ 15 വ​യ​സു​ള്ള കു​ട്ടി ത​ന്നെ ലൈം​ഗി​ക​മാ​യി ദു​രു​പ​യോ​ഗം ചെ​യ്ത ശേ​ഷം വി​ല​യേ​റി​യ ഇ​ല്ക​ട്രോ​ണി​ക് ഉ​പ​ക​ര​ണ​ങ്ങ​ളും സൈ​ക്കി​ളും ആ​വ​ശ്യ​പ്പെ​ട്ട് ഭീ​ഷ​ണി​പ്പെ​ടു​ത്തി​യി​രു​ന്നു എ​ന്ന് ആ​രോ​പി​ക്കു​ന്നു.

താ​ൻ ക​ടു​ത്ത മാ​ന​സി​ക സ​മ്മ​ർ​ദ​ത്തി​ലാ​ണെ​ന്നും അ​ഞ്ച് വ​യ​സി​ന് ഇ​ള​പ്പ​മു​ള്ള വ്യ​ക്തി ത​ന്നെ ഉ​പ​ദ്ര​വി​ച്ചു​വെ​ന്ന് പ​റ​ഞ്ഞാ​ൽ ലോ​കം വി​ശ്വ​സി​ക്കി​ല്ലെ​ന്നും യു​വാ​വ് കു​റി​ച്ചു.

കു​ട്ടി​യോ​ട് താ​ൻ പ്ര​തി​കാ​രം ചെ​യ്തി​ട്ടു​ണ്ടെ​ന്ന് സൂ​ചി​പ്പി​ച്ചാ​ണ് നാ​ല് പേ​ജു​ള്ള ക​ത്ത് അ​വ​സാ​നി​പ്പി​ക്കു​ന്ന​ത്.

പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ കു​ട്ടി​യെ ചൊ​വ്വാ​ഴ്ച മു​ത​ൽ കാ​ണാ​നി​ല്ലെ​ന്ന് വ്യ​ക്ത​മാ​യി. തു​ട​ർ​ന്ന് ഹാ​സി​ര മേ​ഖ​ല​യി​ലെ ഫാ​ക്ട​റി​യി​ൽ നി​ന്ന് കൈ​കാ​ലു​ക​ൾ ബ​ന്ധി​ച്ച നി​ല​യി​ൽ കു​ട്ടി​യു​ടെ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു.

ത​ല​യ്ക്ക​ടി​യേ​റ്റാ​ണ് കു​ട്ടി​യു​ടെ മ​ര​ണ​മെ​ന്നും മൃ​ത​ദേ​ഹ​ത്തി​ന് സ​മീ​പം റോ​സ് ഇ​ത​ളു​ക​ൾ വി​ത​റി​യ നി​ല​യി​ൽ ക​ണ്ടെ​ത്തി​യ​താ​യും പോ​ലീ​സ് അ​റി​യി​ച്ചു.

യു​വാ​വി​ന്‍റെ ആ​രോ​പ​ണ​ത്തി​ൽ വി​ശ​ദ​മാ​യ അ​ന്വേ​ഷ​ണം ന​ട​ത്തു​മെ​ന്നും ഇ​രു​വ​രു​ടെ​യും വാ​ട്സാ​പ്പ് ചാ​റ്റു​ക​ളും മെ​സ​ജു​ക​ളും പ​രി​ശോ​ധി​ച്ച് കേ​സി​ന്‍റെ സ​ത്യാ​വ​സ്ഥ പു​റ​ത്തു​കൊ​ണ്ടു​വ​രു​മെ​ന്നും പോ​ലീ​സ് അ​റി​യി​ച്ചു.