തൊടുപുഴ: കൂടുതൽ സ്ത്രീധനം ആവശ്യപ്പെട്ടു നിരന്തരം പീഡിപ്പിച്ചതിനെത്തുടർന്ന് യുവതി ജീവനൊടുക്കിയ കേസിൽ ഭർത്താവിന് 20 വർഷം കഠിനതടവും പതിനായിരം രൂപ പിഴയും.
ഉടുന്പന്നൂർ പെരിങ്ങാശേരി തയ്യിൽ ബിജുവിനെ(37)യാണ് തൊടുപുഴ അഡീഷണൽ സെഷൻസ് ജഡ്ജി വി ജി ശ്രീദേവി ശിക്ഷിച്ചത്. ഇന്ത്യൻ ശിക്ഷാനിയമം 304 ബി, 306 എന്നീ വകുപ്പുകൾ പ്രകാരമാണ് 10 വർഷം വീതം തടവു ശിക്ഷ ലഭിച്ചത്. ശിക്ഷ ഒന്നിച്ചനുഭവിച്ചാൽ മതി.
ഇലഞ്ഞി വണ്ടിപ്പുരയ്ക്കൽ മാധവന്‍റെ മകൾ ധന്യ(33)യെ 2013 ഏപ്രിലിലാണ് പ്രതി വിവാഹം ചെയ്തത്. പെരിങ്ങാശേരിയിൽ ഭർത്തൃഗൃഹത്തിൽ കൂടുതൽ സ്ത്രീധനം ആവശ്യപ്പെട്ടു ഭർത്താവ് പീഡിപ്പിക്കുന്നതായി യുവതി പല തവണ വീട്ടുകാരോടു പരാതി പറഞ്ഞിരുന്നു. ഇതിനിടെ, 2014 സെപ്റ്റംബർ 28ന് ധന്യ വീടിനകത്തു തൂങ്ങിമരിച്ച നിലയിൽ കാണപ്പെടുകയായിരുന്നു.
