കോട്ടയം: കേന്ദ്ര സർക്കാർ ഓഫീസിലെ ജീവനക്കാരിയോട് അതേ ഓഫീസിലെ ജീവനക്കാരൻ മോശമായി പെരുമാറിയതിന് വെസ്റ്റ് പോലീസ് കേസെടുത്തു. ആരോപണ വിധേയനായ ജീവനക്കാരനെ ഇന്ന് അറസ്റ്റു ചെയ്തേക്കും. അക്കൗണ്ട് വിഭാഗത്തിലാണ് രണ്ടു പേരും ജോലി ചെയ്യുന്നത്.
അനാവാശ്യ വാക്കുകൾ സംസാരിക്കുകയും ദേഹത്ത് സ്പർശിക്കുകയും ചെയ്തുവെന്നാണ് വനിതാ ജീവനക്കാരി പോലീസിന് മൊഴി നല്കിയിരിക്കുന്നത്. ഇതനുസരിച്ച് 354 വകുപ്പനുസരിച്ചാണ് കേസ് രജിസ്റ്റർ ചെയ്തത്. എന്നാൽ ഓഫീസ് സംബന്ധിച്ച് ഇരുവരും തമ്മിൽ ഈഗോയുണ്ടെന്നും അതായിരിക്കാം കേസിനു പിന്നിലെന്ന സൂചനയും പോലീസ് നല്കുന്നുണ്ട്.
