നാദാപുരം: പ്രായപൂർത്തിയാവാത്ത മൂന്ന് വിദ്യാർഥിനികളെപീഡിപ്പിച്ച 65കാരൻ അറസ്റ്റിൽ. കുറ്റ്യാടി അടുക്കത്ത് സ്വദേശി പാറച്ചാലിൽ അബു (65)നെയാണ് കുറ്റ്യാടി സിഐ എൻ.സുനിൽ കുമാർ അറസ്റ്റ് ചെയ്തത്. പീഡനത്തിനിരയായ ഒരു പെൺകുട്ടി സംഭവം രക്ഷിതാക്കളെ അറിയിച്ചപ്പോഴാണ് പീഡനവിവരം പുറത്തറിയുന്നത്.
തുടർന്ന് രക്ഷിതാക്കൾ കുറ്റ്യാടി പോലീസിൽ പരാതി നൽകുകയായിരുന്നു. മൂന്ന് പേരുടേയും പരാതിയിൽ പോക്സോ വകുപ്പുകൾ ചേർത്താണ് കേസ് രജിസ്റ്റർ ചെയ്തത്.പ്രതിയെ ഇന്ന് കോടതിയിൽ ഹാജരാക്കുമെന്ന് പോലീസ് പറഞ്ഞു.
