കൊച്ചി: എറണാകുളം മഞ്ഞുമ്മലിൽ പതിനാലുകാരിയെ കൂട്ടബലാത്സംഗത്തിനിരയാക്കി. സംഭവത്തിൽ ഉത്തർപ്രദേശ് സ്വദേശികളായ മൂന്ന് പേരെ പോലീസ് അറസ്റ്റ് ചെയ്തു. ഷാഹിദ്, ഫർഹാദ് ഖാൻ, ഹനീഫ എന്നിവരാണ് പിടിയിലായത്.
കേസിൽ മൂന്ന് പ്രതികൾ കൂടിയുണ്ട്. ഇവർ കേരളം വിട്ടുവെന്നാണ് പോലീസ് പറയുന്നത്. ഇവരെ പിടികൂടാന്‍ കേരളം യുപി പോലീസിന്‍റെ സഹായം തേടി.
മാര്‍ച്ച് മുതല്‍ ഓഗസ്റ്റ് വരെ കുട്ടിയെ പ്രതികള്‍ ഭീഷണിപ്പെടുത്തി പീഡനത്തിന് ഇരയാക്കുകയായിരുന്നു. പെണ്‍കുട്ടിയുടെ വീടിന് സമീപമാണ് പ്രതികള്‍ വാടകയ്ക്ക് താമസിച്ചിരുന്നത്.
പിടിയിലായ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
