ആലപ്പുഴ: ആലപ്പുഴയില്‍ പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച യുവാവ് അറസ്റ്റില്‍. മാരാരിക്കുളം തെക്ക് പഞ്ചായത്ത് 21 -ാം വാര്‍ഡില്‍ കരിയില്‍ വീട്ടില്‍ വിനു (വിമല്‍ ചെറിയാന്‍-22) ആണ് പിടിയിലായത്.
കഴിഞ്ഞ 12നാണ് കേസിനാസ്പദമായ സംഭവം. ആലപ്പുഴ നോര്‍ത്ത് പോലീസ് സ്റ്റേഷന്‍ പരിധിയില്‍ താമസിക്കുന്ന വിദ്യാര്‍ഥിനിയെ വിമല്‍ ബൈക്കില്‍ കയറ്റി വീട്ടില്‍ എത്തിച്ചു പീഡിപ്പിച്ചെന്നാണ് കേസ്.
ഒളിവില്‍ പോയ പ്രതിയെ കലവുരില്‍ നിന്നാണ് അറസ്റ്റ് ചെയ്തത്. പോക്‌സോ നിയമ പ്രകാരമാണ് അറസ്റ്റ്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
പ്രതിക്കെതിരേ നേരത്തെയും പോലീസില്‍ പരാതിയുണ്ട്. മൂന്ന് വര്‍ഷത്തിന് മുന്‍പ് പാതിരപ്പള്ളി സ്വദേശിനിയായ യുവതിയെ കുടെ താമസിപ്പിച്ച് അഞ്ച് മാസത്തിന് ശേഷം ആ ബന്ധം ഉപേക്ഷിച്ചതുമായി ബന്ധപ്പെട്ട് ഇയാള്‍ക്കെതിരേ പോലീസില്‍ പരാതി ലഭിച്ചിരുന്നു.
