മൂന്നാർ: പതിനാറുകാരിയെ പീഡിപ്പിച്ച കേസിൽ യുവാവിനെ മൂന്നാർ പോലീസ് അറസ്റ്റുചെയ്തു. മൂന്നാർ ദേവികുളം ഒഡികെ ഡിവിഷനിൽ താമസക്കാരനായ വിവേക് (22) ആണ് അറസ്റ്റിലായത്. പീഡനത്തിനിരയായ പ്ലസ് വണ് വിദ്യാർഥിനി നാലുമാസം ഗർഭിണിയാണ്.
പെണ്കുട്ടിയും യുവാവും തമ്മിൽ അടുപ്പത്തിലായിരുന്നു. പെണ്കുട്ടിയെ ഈ ബന്ധത്തിൽനിന്നും പിൻതിരിപ്പിക്കാൻ മാതാപിതാക്കൾ പെണ്കുട്ടിയെ മാറ്റിപ്പാർപ്പിച്ചിരുന്നു.
എന്നാൽ പെണ്കുട്ടി കൂടുതൽ അസ്വസ്ഥതകൾ പ്രകടിപ്പിച്ചതോടെ കൗണ്സിലിംഗിന് വിധേയമാക്കിയപ്പോഴാണ് പീഡനവിവരം പുറത്തറിയുന്നത്. കൗണ്സലിംഗ് സെന്ററിൽനിന്നും പോലീസിൽ പരാതി നൽകിയതിനെതുടർന്നാണ് പോലീസ് നടപടി സ്വീകരിച്ചത്. മൂന്നാർ സിഐ സാം ജോസിന്റെ നേതൃത്വത്തിലാണ് പ്രതിയെ അറസ്റ്റുചെയ്തത്.