തലയോലപ്പറന്പ്: പ്രായപൂർത്തിയാകാത്ത പെണ്‍കുട്ടിയെ പീഡിപ്പിക്കാൻ ശ്രമിച്ച സംഭവത്തിൽ 70കാരനെ തലയോലപ്പറന്പ് പോലീസ് പിടികൂടി. ചെന്പ് ഏനാദി സ്വദേശി മാധവൻ (പാപ്പച്ചി- 70) ആണ് പിടിയിലായത്.
2020 ജനുവരിയിലാണ് പീഡന ശ്രമം നടന്നത്. ടിവി കാണാൻ ഇയാളുടെ വീട്ടിൽവന്ന കുട്ടിയെ ഇയാൾ ശാരീരികമായി ദുരുപയോഗം ചെയ്യുകയായിരുന്നു.
ഭയപ്പെടുത്തി നാളുകളായി പീഡിപ്പിച്ചതോടെ കുട്ടി മാനസികമായി തകർന്നു. ബന്ധുക്കൾ പെണ്‍കുട്ടിയെ കഴിഞ്ഞ ദിവസം എറണാകുളത്തെ സ്വകാര്യ ആശുപത്രിയിൽ കൗണ്‍സിലിംഗ് നടത്തിയപ്പോഴാണ് പീഡനവിവരം അറിയുന്നത്.
തുടർന്ന് ചൈൽഡ് ലൈൻ പോലീസിൽ പരാതി നൽകുകയായിരുന്നു. തലയോലപ്പറന്പ് എസ്എച്ച്ഒ ബിൻസ് ജോസഫ്, എസ്ഐമാരായ ബാബു, പി.എസ്. സുധീരൻ, സിപിഒമാരായ ബിജു, സ്വപ്ന എന്നിവരുടെ നേതൃത്വത്തിൽ പോലീസ് ഇയാളെ പിടികൂടി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
