കുന്നംകുളം: ബസിൽ യാത്ര ചെയ്യുകയായിരുന്ന യുവതിയെ മാനഭംഗപ്പെടുത്താൻ ശ്രമിച്ച സംഭവത്തിൽ ഒരാളെ പോലീസ് അറസ്റ്റ് ചെയ്തു.
മുളങ്കുന്നത്തുകാവ് കിള്ളന്നൂർ കുറ്റൂർ കരുവാൻ വീട്ടിൽ ഉണ്ണികൃഷ്ണനെയാണ് കുന്നംകുളം എസ്എച്ച്ഒ വി.സി. സൂരജിന്‍റെ നേതൃത്വത്തിൽ അറസ്റ്റ് ചെയ്തത്.
പ്രതിയായ ഉണ്ണികൃഷ്ണൻ മുൻപും ഇത്തരത്തിൽ ബസിൽ വച്ച് സ്ത്രീകളോട് അപമര്യാദയായി പെരുമാറിയിട്ടുണ്ട്.
യുവാവ് ശല്യം ചെയ്തതോടെ മനഃസാന്നിധ്യത്തോടെ ശക്തമായി യുവതി പ്രതികരിച്ചതോടെയാണ് ഇയാളെ പിടികൂടാനായത്.
അന്വേഷണ സംഘത്തിൽ എസ്ഐമാരായ ഷക്കീർ അഹമ്മദ്, ബാലരാജൻ, സിപിഒ രമേശ് എന്നിവരും ഉണ്ടായിരുന്നു.
