സ്ത്രീധനം  കുറഞ്ഞെന്ന് പറഞ്ഞ് മാനസികമായി പീഡിപ്പിച്ച് അമ്മായിയപ്പൻ; ഭർത്താവിന്‍റെ വക ശാരീരിക പീഡനം; കുത്തുവാക്കുകൾകൊണ്ട് അമ്മായിയമ്മയും; പത്തുമാസം ഷീജ നേരിട്ടത് കൊടിയ പീഡനം

ഉ​പ്പു​ത​റ: ഭ​ർ​തൃ​വീ​ട്ടി​ൽ യു​വ​തി തൂ​ങ്ങി​മ​രി​ച്ച സം​ഭ​വ​ത്തി​ൽ ദു​രൂ​ഹ​ത ആ​രോ​പി​ച്ച് യു​വ​തി​യു​ടെ ബ​ന്ധു​ക്ക​ൾ പോ​ലീ​സി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ പോ​ലീ​സ് യു​വ​തി​യു​ടെ മാ​താ​വി​ന്‍റെ മൊ​ഴി​യെ​ടു​ത്തു.

ഏ​ല​പ്പാ​റ ഹെ​ലി​ബ​റി​യ വാ​ഴ​പ്പ​റ​മ്പി​ൽ കു​ട്ട​പ്പ​ന്‍റെ മ​ക​ൾ എം.​കെ. ഷീ​ജ (27) ആ​ണ് ഭ​ർ​ത്താ​വ് വ​ള​കോ​ട് പു​ത്ത​ൻ​വീ​ട്ടി​ൽ ജോ​ബി​ഷി​ന്‍റെ വീ​ട്ടി​ൽ വെ​ള്ളി​യാ​ഴ്ച തൂ​ങ്ങിമ​രി​ച്ച​ത്.

ഈ ​മ​ര​ണ​ത്തി​ൽ ദു​രൂ​ഹ​ത​യു​ണ്ടെ​ന്നാ​ണ് യു​വ​തി​യു​ടെ മാ​താ​വ് ചി​ന്ന​മ്മ മൊ​ഴി ന​ൽ​കി​യ​ത്.പ​ത്ത് മാ​സം മു​മ്പാ​യി​രു​ന്നു ജോ​ബി​ഷി​ന്‍റെ​യും ഷീ​ജ​യു​ടെ​യും വി​വാ​ഹം.

വി​വാ​ഹ​നി​ശ്ച​യ സ​മ​യ​ത്ത് എ​ട്ടു പ​വ​ൻ സ്വ​ർ​ണ​മാ​യി​രു​ന്നു ന​ൽ​കാ​മെ​ന്ന് പ​റ​ഞ്ഞി​രു​ന്ന​ത്. ഇ​തി​ൽ ആ​റു പ​വ​ൻ സ്വ​ർ​ണം മാ​ത്ര​മേ ന​ൽ​കാ​ൻ ക​ഴി​ഞ്ഞു​ള്ളൂ.

ബാ​ക്കി ര​ണ്ടു പ​വ​ൻ സ്വ​ർ​ണ​ത്തെ​ച്ചൊ​ല്ലി മ​ദ്യ​പി​ച്ചെ​ത്തു​ന്ന ജോ​ബി​ഷി​ന്‍റെ പി​താ​വ് മാ​ന​സി​ക​മാ​യി പീ​ഡി​പ്പി​ച്ചി​രു​ന്നെന്നാണ് പരാതി.

മാ​താ​വും കു​ത്തു​വാ​ക്കു​ക​ൾ​കൊ​ണ്ട് വേ​ദ​നി​പ്പി​ക്കു​ന്ന​ത് പ​തി​വാ​യി​രു​ന്നെന്നും പറയുന്നു. ജോ​ബി​ഷും രാ​ത്രി വീ​ട്ടി​ലെ​ത്തു​മ്പോ​ൾ ശാ​രീ​രി​ക​മാ​യും മാ​ന​സി​ക​മാ​യും ഉ​പ​ദ്ര​വി​ക്കാ​റു​ണ്ടാ​യി​രു​ന്ന​താ​യി ചി​ന്ന​മ്മ​യോ​ട് ഷീ​ജ പ​റ​ഞ്ഞ​താ​യി മൊ​ഴി​ന​ൽ​കി.

ജോ​ബി​ഷി​ന്‍റെ​യും മാ​താ​പി​താ​ക്ക​ളു​ടെ​യും മാ​ന​സി​ക​വും ശാ​രീ​രി​ക​വു​മാ​യ പീ​ഡ​നം കാ​ര​ണ​മാ​ണ് മ​ക​ളെ വീ​ട്ടി​ൽ വ​രു​ത്തി​യി​രു​ന്നെ​ന്നും 34 ദി​വ​സം ക​ഴി​ഞ്ഞാ​ണ് ജോ​ബി​ഷ് വി​ളി​ക്കാ​നെ​ത്തി​യ​തെ​ന്നും മൊ​ഴി​യി​ലു​ണ്ട്.

അ​സ്വാ​ഭാ​വി​ക മ​ര​ണ​ത്തി​നാ​ണ് പോ​ലീ​സ് കേ​സെ​ടു​ത്തി​രി​ക്കു​ന്ന​ത്. ഉ​പ്പു​ത​റ സി​ഐ ഇ. ​ബാ​ബു​വി​നാ​ണ് അ​ന്വേ​ഷ​ണ​ച്ചു​മ​ത​ല.