ചെറുപുഴ: വിവാഹ വാഗ്ദാനം നൽകി യൂത്ത് കോൺഗ്രസ് നേതാവ് വഞ്ചിച്ചതായി കാണിച്ച് യൂത്ത് കോൺഗ്രസ് നേതാവായ യുവതി ചെറുപുഴ പോലീസിൽ പരാതി നൽകി. ചെറുപുഴ മണ്ഡലം യൂത്ത് കോൺഗ്രസ് പ്രസിഡന്‍റ് മിഥിലാജിനെതിരെയാണ് പരാതി നൽകിയത്.
വിവാഹ വാഗ്ദാനം വിശ്വസിച്ച് യുവാവിനൊപ്പം പല സ്ഥലങ്ങളിലും പോയെന്നും പിന്നീട് ഇയാൾ വിവാഹത്തിൽ നിന്നും പിൻമാറിയെന്നുമാണ് പരാതി. യുവാവിനെതിരെ ചെറുപുഴ പോലീസ് കേസെടുത്തു. അതിനിടെ മിഥിലാജിനെ യൂത്ത് കോൺഗ്രസിൽ നിന്നും പുറത്താക്കിയതായി യൂത്ത് കോൺഗ്രസ് പയ്യന്നൂർ നിയോജക മണ്ഡലം സെക്രട്ടറി അറിയിച്ചു.
