അ​നാ​ശാ​സ്യ​വും മോ​ഷ​ണ​വും കൈ​കോ​ർ​ക്കു​ന്നു! കു​റ​വി​ല​ങ്ങാ​ട്ട് മോ​ഷ്ടാ​ക്ക​ൾ അ​ര​ങ്ങ് വാ​ഴു​ന്നു; പിടിയിലായ യുവാവിനെ ചോദ്യം ചെയ്തപ്പോള്‍ പുറത്തെത്തിയത് ഞെട്ടിക്കുന്ന കഥ

കു​റ​വി​ല​ങ്ങാ​ട്: മോ​ഷ​ണ​വു​മാ​യി ബ​ന്ധ​പ്പെ​ട്ട അ​ന്വേ​ഷ​ണം എ​ത്തി​നി​ൽ​ക്കു​ന്ന​ത് അ​നാ​ശാ​സ്യ ഇ​ട​പാ​ടു​കാ​രി​ൽ. മു​ട്ടു​ങ്ക​ൽ-​മു​ക്ക​വ​ല​ക്കു​ന്ന് ഭാ​ഗ​ത്തെ ഒ​രു വീ​ട്ടി​ൽ മോ​ഷ​ണം ന​ട​ന്ന​തു​മാ​യി ബ​ന്ധ​പ്പെ​ട്ട് അ​ന്വേ​ഷ​ണ​ത്തി​നി​ട​യി​ൽ പോ​ലീ​സ് വ​ല​യി​ൽ കു​ടു​ങ്ങി​യ യു​വാ​വി​നെ ചു​റ്റി​പ്പ​റ്റി പു​റ​ത്തെ​ത്തി​യ​ത് അ​നാ​ശാ​സ്യ ബ​ന്ധ​ങ്ങ​ളാ​യി​രു​ന്നു. ഇ​യാ​ളെ പോ​ലീ​സ് ചോ​ദ്യം​ചെ​യ്ത് തീ​രും മു​ൻ​പേ രാ​ഷ്ട്രീ​യ ബ​ല​ത്തി​ൽ പു​റ​ത്തി​റ​ങ്ങി മാ​ന്യ​മാ​യി ര​ക്ഷ​പ്പെ​ട്ട​ത് ഇ​വി​ടത്തെ ച​രി​ത്രം.

ക​ഴി​ഞ്ഞ ദി​വ​സ​ങ്ങ​ളി​ൽ കോ​ഴാ ഭാ​ഗ​ത്ത് നി​ന്ന് ബൈ​ക്കും സ്കൂ​ട്ട​റും മോ​ഷ​ണം പോ​യ സം​ഭ​വ​ത്തി​ലെ അ​ന്വേ​ഷ​ണ​വും എ​ത്തു​ന്ന​ത് ഇ​ത്ത​ര​ത്തി​ലാ​ണ്. അ​നാ​ശാ​സ്യ ഇ​ട​പാ​ടു​ക​ൾ​ക്ക് എ​ത്തു​ന്പോ​ൾ മോ​ഷ​ണ​വും ഹ​ര​മാ​ക്കു​ന്ന​താ​യാ​ണ് സാ​ഹ​ച​ര്യ​ങ്ങ​ൾ പ​റ​യു​ന്ന​ത്.

കോ​ഴാ ഭാ​ഗ​ത്ത് നി​ന്ന് വാ​ഹ​ന​ങ്ങ​ൾ മോ​ഷ​ണം പോ​കു​ന്ന​ത് പ​തി​വാ​യ​തോ​ടെ​യാ​ണ് നാ​ട്ടു​കാ​ർ സം​ഘ​ടി​ത​രാ​യി നി​രീ​ക്ഷ​ണം ന​ട​ത്തി​യ​ത്. ഇ​തി​നി​ട​യി​ലാ​ണ് അ​പ​രി​ചി​ത​നാ​യ യു​വാ​വ് പി​ടി​യി​ലാ​യ​ത്. ചോ​ദ്യം ചെ​യ്ത​പ്പോ​ൾ പു​റ​ത്തെ​ത്തി​യ​ത് ഞെ​ട്ടി​ക്കു​ന്ന ക​ഥ​ക​ളാ​ണ്.

ഇ​യാ​ളു​മാ​യി ബ​ന്ധ​പ്പെ​ട്ട സം​ഘ​ത്തി​ലൊ​രാ​ളെ​യും വ​ല​യി​ലാ​ക്കാ​ൻ നാ​ട്ടു​കാ​ർ​ക്ക് ക​ഴി​ഞ്ഞു. ഇ​വ​രെ പി​ന്നീ​ട് പോ​ലീ​സി​ന് വി​ട്ടു​ന​ൽ​കു​ക​യാ​യി​രു​ന്നു. ഏ​റ്റു​മാ​നൂ​ർ കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്ന സം​ഘ​ത്തി​ൽ പ്രാ​യ​പൂ​ർ​ത്തി​യാ​കാ​ത്ത​വ​ര​ട​ക്ക​മാ​ണു​ള്ള​ത്. പി​ടി​യി​ലാ​യ സം​ഘ​ത്തി​ൽ നി​ന്ന് ആ​യു​ധ​ങ്ങ​ളും ക​ണ്ടെ​ടു​ത്തു​വെ​ന്ന് പ​റ​യു​ന്നു​ണ്ട്. മൊ​ബൈ​ൽ ചാ​റ്റു​ക​ളി​ൽ ബ​ന്ധ​ങ്ങ​ൾ സ്ഥാ​പി​ച്ച് വീ​ടു​ക​ളി​ൽ സ​ന്ദ​ർ​ശ​ക​രാ​കു​ക​യും മ​റ്റ് വ​ഴി​വി​ട്ട ഇ​ട​പാ​ടു​ക​ൾ പ​തി​വാ​ക്കു​ക​യു​മാ​ണ് പ​ല​യി​ട​ങ്ങ​ളി​ലും ന​ട​ക്കു​ന്ന​ത്.