അ​ഞ്ച​ര വ​യ​സു​കാ​ര​നെ കാ​ണാ​താ​യി; ര​ണ്ട​ര മ​ണി​ക്കൂ​റി​നു​ശേ​ഷം അയലത്തെ വീട്ടിൽ‌നിന്നും ദു​രൂ​ഹ സാ​ഹ​ച​ര്യ​ത്തി​ൽ ക​ണ്ടെ​ത്തി

വി​ഴി​ഞ്ഞം: വീ​ടി​ന് മു​ന്നി​ൽ ക​ളി​ച്ചു കൊ​ണ്ടി​രു​ന്ന അ​ഞ്ച​ര വ​യ​സു​കാ​ര​നെ കാ​ണാ​താ​യി. ര​ണ്ട​ര മ​ണി​ക്കൂ​റി​ന് ശേ​ഷം അ​യ​ൽ​വാ​സി​യുടെ വീ​ടി​നു​ള്ളി​ൽ നി​ന്ന് ദു​രൂ​ഹ സാ​ഹ​ച​ര്യ​ത്തി​ൽ കു​ട്ടി​യെ ക​ണ്ടെ​ത്തി​.

കു​ട്ടി​യെ ഒ​ളി​പ്പി​ച്ച സം​ഭ​വ​ത്തി​ൽ മുക്കോല കാഞ്ഞിരംവിള സ്വ ദേശി പീ​രു​മു​ഹ​മ്മ​ദിനെ പോ​ലീ​സ് അ​റ​സ്റ്റ് ചെ​യ്തു. വി​ഴി​ഞ്ഞം മു​ക്കോ​ല സ്വ​ദേ​ശി​യാ​യ അ​ഞ്ച​ര വ​യ​സു​കാ​ര​നെ​യാ​ണ് ഇ​ന്ന​ലെ രാ​വി​ലെ പ​ത്തോ​ടെ കാ​ണാ​താ​യ​ത്.

ക​ളി​ച്ചു നി​ന്ന കു​ട്ടി​യെ കാ​ണാ​താ​യെ​ന്ന വാ​ർ​ത്ത പ​ട​ർ​ന്ന​തോ​ടെ നാ​ട്ടു​കാ​ർ ഒ​ന്നി​ച്ച് അ​ന്വേ​ഷ​ണം ആ​രം​ഭി​ച്ചു. സ​മീ​പ വീ​ടു​ക​ളും കി​ണ​റു​ക​ളും ഉ​ൾ​പ്പെ​ടെ അ​രി​ച്ചു​പെ​റു​ക്കി. അ​ന്വേ​ഷ​ണം ഫ​ലം കാ​ണാ​തെ വ​ന്ന​തോ​ടെ നാ​ട്ടു​കാ​ർ വി​ഴി​ഞ്ഞം പോ​ലീ​സി​ന്‍റെ സ​ഹാ​യം തേ​ടി.

മാ​താ​വു​ൾ​പ്പെ​ടെ​യു​ള്ള സം​ഘം കു​ട്ടി​യെ ക​ണ്ടെ​ത്തി​യ അ​യ​ൽ​വാ​സി​​യുടെ വീ​ട്ടി​ൽ ര​ണ്ടു പ്രാ​വ​ശ്യ​മെ​ത്തി അ​ന്വേ​ഷി​ച്ചെ​ങ്കി​ലും ഇ​യാ​ൾ കൈ ​മ​ല​ർ​ത്തി. ഉ​ച്ച​ക്ക് പ​ന്ത്ര​ണ്ട​ര​യോ​ടെ ഫ​യ​ർ​ഫോ​ഴ്സും സ്ഥ​ല​ത്തെ​ത്തി. നാ​ട് മു​ഴു​വ​ൻ അ​രി​ച്ചു​പെ​റു​ക്കു​ന്ന​തി​നി​ട​യി​ൽ മാ​താ​വു​ൾ​പ്പെ​ടെ​യു​ള്ള സം​ഘം മൂന്നാമതും പീരുമുഹ മ്മദിന്‍റെ വീ​ട്ടി​ൽ വീ​ണ്ടും അ​ന്വേ​ഷ​ണ​വു​മാ​യെ​ത്തി.

ഒ​ടു​വി​ൽ ​മു​റി​യി​ൽ ന​ട​ത്തി​യ പ​രി​ശോ​ധ​ന​യി​ൽ ക​ട്ടി​ലി​ൽ കി​ട​ക്കു​ന്ന കു​ട്ടി​യെ മാ​താ​വ് ക​ണ്ടെ​ത്തി​യ​തോ​ടെ മ​ണി​ക്കൂ​റു​ക​ൾ നീ​ണ്ട അ​ന്വേ​ഷ​ണ​ത്തി​ന് അ​വ​സാ​ന​വും നാ​ട്ടു​കാ​ർ​ക്ക് ആ​ശ്വാ​സ​വു​മാ​യി.

ഇ​തി​നി​ട​യി​ൽ​പ​ര​സ്പ​ര വി​രു​ദ്ധ​മാ​യി സം​സാ​രി​ച്ച് ര​ക്ഷ​പ്പെ​ടാ​ൻ ശ്ര​മി​ച്ച​യാ​ളെ നാ​ട്ടു​കാ​ർ പി​ടി​കൂ​ടി പോ​ലീ​സി​ന് കൈ​മാ​റി. ഇ​യാ​ൾ​ക്കെ​തി​രെ പെ​റ്റി​ക്കേ​സെ​ടു​ക്ക​ത്ത് പോ​ലീ​സ് വി​ടാ​ൻ ശ്ര​മി​ച്ച​ത് ജ​ന​രോ​ഷ​ത്തി​നും വ​ഴി​തെ​ളി​ച്ചു.