എടത്വ: മീനിനെ പിടിക്കാന്‍ വച്ച കൂടിനുള്ളില്‍ പെരുംപാമ്പ്. പ്രജീഷ് ചക്കുളം എത്തി കൂട്ടില്‍ അകപ്പെട്ട പെരുമ്പാമ്പിനെ രക്ഷപെടുത്തി.
പിടികൂടിയ പാമ്പിനെ റാന്നി ഫോറസ്റ്റ് ഓഫീസിന് കൈമാറും. തലവടി ആനപ്രമ്പാല്‍ നാല്‍പതില്‍ചിറ രാധാകൃഷ്ണന്‍ തോട്ടില്‍ മീന്‍ പിടിക്കാനായി ഇട്ടിരുന്ന കൂട്ടിലാണ് പെരുംപാമ്പ് അകപെട്ടത്.
എടത്വ പോലീസിനെ വിവരമറിയിച്ചതിനെ തുടര്‍ന്ന് പെരുമ്പാമ്പിനെ രക്ഷപ്പെടുത്താനായി ചക്കുളത്തുകാവ് സ്വദേശി പ്രജീഷ് ചക്കുളം സ്ഥലത്തെത്തുകയും പെരുമ്പാമ്പിനെ പിടികൂടുകയായിരുന്നു. പിടികൂടിയ പെരുംപാമ്പിന് പത്ത് അടിയോളം നീളം വരും
