പെ​രു​വ​ണ്ണാ​മൂ​ഴി​യി​ൽ 173 വൈ​ദ്യു​തി വി​ള​ക്കു​ക​ൾ ഇ​ന്നു തെ​ളി​യും; കാ​ര്യ​പ​രി​പാ​ടി​യി​ൽ വ​കു​പ്പ് ഉദ്യോ​ഗ​സ്ഥ​ർ മു​ഴു​വ​ൻ പു​റ​ത്ത്

പെ​രു​വ​ണ്ണാ​മൂ​ഴി: ഇ​രു​ള​ക​റ്റാ​ൻ ഒ​രു ബ​ൾ​ബെ​ങ്കി​ലും സ്ഥാ​പി​ക്ക​ണ​മെ​ന്നു മു​റ​വി​ളി ഉ​യ​ർ​ത്തി​യ​വ​ർ​ക്കു ആ​ശ്വാ​സം ന​ൽ​കി കു​റ്റ്യാ​ടി ജ​ല​സേ​ച​ന വ​കു​പ്പി​ന്‍റെ കീ​ഴി​ലു​ള്ള പെ​രു​വ​ണ്ണാ​മൂ​ഴി ടൂ​റി​സ്റ്റു കേ​ന്ദ്രം വൃ​ഷ്ടി പ്ര​ദേ​ശ​ത്തു സ്ഥാ​പി​ച്ച 173 വൈ​ദ്യു​തി വി​ള​ക്കു​ക​ൾ ഇ​ന്ന് മു​ത​ൽ പ്ര​കാ​ശി​ച്ചു തു​ട​ങ്ങും.​വൈ​കീ​ട്ട്

ആ​റി​ന് പെ​രു​വ​ണ്ണാ​മൂ​ഴി ഡാം ​ന​വീ​ക​ര​ണ പ​ദ്ധ​തി ഉ​ദ്ഘാ​ട​നം എ​ന്ന പേ​രി​ൽ ന​ട​ക്കു​ന്ന പ​രി​പാ​ടി​യി​ൽ ച​ക്കി​ട്ട​പാ​റ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ഷീ​ജ ശ​ശി അ​ധ്യ​ക്ഷ​ത വ​ഹി​ക്കും. മ​ന്ത്രി ടി.​പി രാ​മ​കൃ​ഷ്ണ​ൻ പു​തി​യ വി​ള​ക്കു​ക​ളു​ടെ സ്വി​ച്ച് ഓ​ൺ ക​ർ​മ്മം നി​ർ​വ​ഹി​ക്കും. ജ​ന​പ്ര​തി​നി​ധി​ക​ളും രാ​ഷ്ട്രീ​യ പാ​ർ​ട്ടി​ക്കാ​രും വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി പ്ര​തി​നി​ധി​യും ച​ക്കി​ട്ട​പാ​റ​യി​ലെ സ​ഹ​ക​ര​ണ ബാ​ങ്ക് പ്ര​സി​ഡ​ന്‍റും ച​ട​ങ്ങി​ൽ പ്ര​സം​ഗി​ക്കും.

മൊ​ത്തം 24 പേ​രെ വെ​ച്ച് കാ​ര്യ​പ​രി​പാ​ടി നോ​ട്ടീ​സ് അ​ടി​ച്ചി​ട്ടു​ണ്ട്. അ​തേ സ​മ​യം പ​ദ്ധ​തി ന​ട​ത്തി​പ്പു​കാ​രാ​യ കു​റ്റ്യാ​ടി ജ​ല​സേ​ച​ന പ​ദ്ധ​തി​യു​ടെ ഒ​റ്റ ഉ​ദ്യോ​ഗ​സ്ഥ​നും ച​ട​ങ്ങി​ൽ റോ​ളി​ല്ല. സാ​ധാ​ര​ണ നി​ല​യി​ൽ സ്വാ​ഗ​തം, റി​പ്പോ​ർ​ട്ട്, ന​ന്ദി എ​ന്നീ ചു​മ​ത​ല​ക​ൾ നി​ർ​വ​ഹി​ക്കു​ക പ​ദ്ധ​തി വ​കു​പ്പു​ദ്യോ​ഗ​സ്ഥ​രാ​ണ്.

ക​ണ്ണൂ​രി​ലു​ള്ള ചീ​ഫ് എ​ഞ്ചി​നീ​യ​ർ, പേ​രാ​മ്പ്ര​യി​ലു​ള്ള എ​ക്സി​ക്യൂ​ട്ടീ​വ് എ​ഞ്ചി​നീ​യ​ർ, പെ​രു​വ​ണ്ണാ​മൂ​ഴി​യി​ലു​ള്ള അ​സി.​എ​ക്സി.​എ​ഞ്ചി​നീ​യ​ർ, എ.​ഇ എന്നി​വ​രെ​ല്ലാം പ്രോ​ഗ്രാം നോ​ട്ടീ​സ് പ്ര​കാ​രം കാ​ഴ്ച​ക്കാ​ർ മാ​ത്ര​മാ​ണ്.
പ​രി​പാ​ടി സം​ഘ​ടി​പ്പി​ക്കു​ന്ന​ത് ആ​രാ​ണെ​ന്നും നോ​ട്ടീ​സി​ലി​ല്ല. അ​തേ സ​മ​യം ച​ട​ങ്ങി​നു മു​ന്നോ​ടി​യാ​യി വേ​ദി​യി​ൽ നാ​ട​ൻ​പാ​ട്ട് അ​വ​ത​രി​പ്പി​ക്കു​ന്ന​ത് ആ​രാ​ണെ​ന്നു വ്യ​ക്ത​മാ​യി രേ​ഖ​പ്പെ​ടു​ത്തി​യി​ട്ടു​മു​ണ്ട്.