മുളന്തുരുത്തി: അനിയന്ത്രിതമായി പെട്രോൾ, ഡീസൽ വില വർധനവിൽ പ്രതിക്ഷേധിച്ചും പെട്രോൾ,ഡീസൽ നികുതി ജിഎസ്ടിയിൽ ഉൾപ്പെടുത്തണമെന്നും ആവശ്യപ്പെട്ട് യുത്ത് കോൺഗ്രസ് പിറവം നിയോജക മണ്ഡലം കമ്മറ്റിയുടെ നേതൃത്തത്തിൽ പെട്രോൾ പമ്പിന് മുമ്പിൽ ചക്രം ഉരുട്ടി പ്രതിക്ഷേധിച്ചു.
പ്രതിക്ഷേധ സമരം ഡിസിസി ജന:സെക്രട്ടറി റീസ് പുത്തൻവീടൻ ഉദ്ഘാടനം ചെയ്തു. യുത്ത് കോൺഗ്രസ് നിയോജക മണ്ഡലം പ്രസിഡന്‍റ് രഞ്ചിത്ത് രാജൻ അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം അജി കെ.കെ. മുഖ്യ പ്രഭാഷണം നടത്തി.
തൃപ്പൂണിത്തുറ: യൂത്ത് കോൺഗ്രസ് തൃപ്പൂണിത്തുറ മണ്ഡലം കമ്മിറ്റി നടത്തിയ അടുപ്പുകൂട്ടി സമരം യുഡിഎഫ് നിയോജക മണ്ഡലം ചെയർമാൻ ബാബു ആന്‍റണി ഉദ്ഘാടനം ചെയ്തു.
യൂത്ത് കോൺഗ്രസ് മണ്ഡലം പ്രസിഡന്‍റ് നവീന്ദർ അധ്യക്ഷത വഹിച്ചു. സംസ്ഥാന സെക്രട്ടറി അഫ്സൽ നമ്പ്യാരതും കെഎസ്‌യു ജില്ലാ സെക്രട്ടറി ആനന്ദ് കെ. ഉദയനും മുഖ്യ പ്രഭാഷണം നടത്തി.
ഗോപു രാധാകൃഷ്ണൻ, രഞ്ജിത്ത്, ആർ.ശിവപ്രസാദ്, ടേബി, ടെഫി, അക്ഷയ്, അഞ്ചു, അമൽ ഷാജി, ശരത്, സരൺ, മനു തുടങ്ങിയവർ നേതൃത്വം നൽകി.
