കൊച്ചി: സംസ്ഥാനത്ത് ഇന്ധനവിലയിൽ വീണ്ടും വർധനവ്. പെട്രോളിന് ഇന്ന് 17 പൈസയുടെയും ഡീസലിന് 15 പൈസയുടെയും വർധനവാണ് രേഖപ്പെടുത്തിയിരിക്കുന്നത്. ഇതോടെ കൊച്ചിയിൽ പെട്രോൾ വില ലിറ്ററിന് 81.34 രൂപയും ഡീസലിന് 73.99 രൂപയുമായി. ഇന്നലെ യഥാക്രമം 81.17 രൂപയും, 73.34 രൂപയുമായിരുന്നു വില. തുടർച്ചയായി 16-ാം ദിവസമാണ് ഇന്ധനവില വർധിക്കുന്നത്.
ഇത്രയും ദിവസത്തിനകം പെട്രോളിനും ഡീസലിനുമായി ശരാശരി മൂന്ന് രൂപയിലധികം വർധനവുണ്ടായതായാണ് കണക്കാക്കുന്നത്. തിരുവനന്തപുരത്ത് പെട്രോൾ വില 82.62 രൂപയും ഡീസലിന് 75.20 രൂപയുമാണ് ഇന്നത്തെ വില.
