കൊച്ചി: രാജ്യാന്തര വിപണിയില്‍ ക്രൂഡ് ഓയില്‍ വില കുത്തനെ ഇടിഞ്ഞിട്ടും ഇന്ധനവിലയില്‍ അനുഭവപ്പെട്ടത് നേരിയ കുറവ് മാത്രം. സംസ്ഥാനത്ത് ഇന്ന് പെട്രോളിന് അഞ്ച് പൈസയുടെയും ഡീസലിന് ആറ് പൈസയുടെയും മാത്രം കുറവാണ് രേഖപ്പെടുത്തിയിട്ടുള്ളത്.
കഴിഞ്ഞ ഏതാനും ദിവസങ്ങളായി വില മാറ്റമില്ലാതെ തുടര്‍ന്നതിനു ശേഷമാണ് ഇന്ന് ഏതാനും പൈസയുടെ മാത്രം കുറവ് ഉണ്ടായിട്ടുള്ളത്. കൊച്ചിയിലാകട്ടെ പെട്രോള് വില 74.03 രൂപയും ഡീസല്‍ വില 68.36 രൂപയുമാണ്.
തിരുവനന്തപുരത്ത് പെട്രോള് വില ലിറ്ററിന് 75.40 രൂപയും ഡീസല്‍ വില 69.65 രൂപയുമാണ്. ബ്രെന്‍റ് ഇനം ക്രൂഡ് വീപ്പയ്ക്ക് 54 ഡോളറിനു താഴെയും ഡബ്ല്യുടിഐ ഇനത്തിന് 50 ഡോളറിന് താഴെയും വിലയെത്തിയപ്പോഴാണ് ഇന്ധനവിലയില്‍ നേരിയ കുറവ് മാത്രം അനുഭവപ്പെട്ടത്.
