കൊച്ചി: സംസ്ഥാനത്ത് ഇന്ധനവിലയിൽ കുതിപ്പ് തുടരുന്നു. രണ്ടാഴ്ചയ്ക്കുള്ളില്‍ പെട്രോളിന് 8.38 രൂപയുടെയും ഡീസലിന് 8.09 രൂപയുടെയും വർധനവാണ് ഉണ്ടായിരിക്കുന്നത്.
ഇന്ന് പെട്രോൾ ലിറ്ററിന് 44 പൈസയും ഡീസലിന് 42 പൈസയുമാണ് ഇന്ന് വര്‍ധിച്ചത്. ഇതോടെ കൊച്ചിയില്‍ പെട്രോളിന് 113.56 പൈസയും ഡീസലിന് 100.49 പൈസയുമായി.
കൊച്ചിയില്‍ ഡീസല്‍ വില നൂറു കടന്നിരിക്കുകയാണ്. മാര്‍ച്ച് 22-നാണ് ഇന്ധനവില വര്‍ധിച്ചത്. 137 ദിവസത്തേ ഇടവേളയ്ക്കു ശേഷമാണ് ഇന്ധനവിലയില്‍ വര്‍ധനവ് ഉണ്ടായത്.
നിലവില്‍ ഇന്ധനവില റോക്കറ്റ് പോലെ കുതിച്ചുയരുകയാണ്. ഇത് വാഹനയാത്രികര്‍ക്ക് പ്രതിസന്ധി സൃഷ്ടിച്ചിരിക്കുകയാണ്. വരും ദിവസങ്ങളിലും ഇന്ധനവില വര്‍ധിക്കുമെന്നാണ് വിപണി നല്‍കുന്ന സൂചന.
