കൊച്ചി: ഇന്ധനവിലയിൽ ഇന്നും കുറവ്. പെട്രോളിന് 10 പൈസയും ഡീസലിന് എട്ട് പൈസയുടെയും കുറവാണ് സംസ്ഥാനത്ത് രേഖപ്പെടുത്തിയിട്ടുള്ളത്. ഇതോടെ കൊച്ചിയിൽ പെട്രോൾ വില 83.33 രൂപയായും ഡീസൽ വില 78.85 രൂപയുമായി കുറഞ്ഞു.
രാജ്യാന്തര വിപണിയിൽ അസംസ്കൃത എണ്ണ വിലയിലുണ്ടായ ഇടിവിനെത്തുടർന്നാണ് ഇന്ധനവില കുറയുന്നത്. സംസ്ഥാനത്ത് ആറ് ദിവസത്തിനിടെ പെട്രോളിന് 1.51 രൂപയുടെയും ഡീസലിന് 89 പൈസയുടെയും കുറവാണ് ഉണ്ടായിട്ടുള്ളത്.
തിരുവനന്തപുരത്ത് പെട്രോൾ വില 84.67 രൂപയും ഡീസൽ വില 80.10 രൂപയുമായപ്പോൾ കോഴിക്കോട് പെട്രോൾ വില 83.68 രൂപയായും ഡീസൽ വില 79.20 രൂപയുമായും കുറഞ്ഞു.
