തിരുവല്ല: തിരുവല്ല കുരിശുകവലയിൽ ഭീകരാന്തരീക്ഷം സൃഷ്ടിക്കുകയും തടയാനെത്തിയ പോലീസുകാരെ കൈയേറ്റത്തിനു ശ്രമിക്കുകയും ചെയ്ത സംഭവത്തിൽ രണ്ട് യുവാക്കൾ പിടിയിലായി.
തിരുവല്ല തിരുമൂലപുരം അനന്തു ഭവനിൽ അനന്തു (27), കോഴഞ്ചേരി കീഴയാറ പുത്തൻപാറ വീട്ടിൽ പി.എസ്. ജിഷ്ണു (28) എന്നിവരാണ് തിരുവല്ല പോലീസ് കസ്റ്റഡിയിലെടുത്തത്.
കുരിശു കവലയിലെ പെട്രോൾ പമ്പിനു സമീപം ചൊവ്വാഴ്ച രാത്രി പത്തരയോടെയായിരുന്നു സംഭവം.പെട്രോൾ അടിക്കാനായി ബൈpക്കിൽ എത്തിയ യുവാക്കൾ പന്പിലുണ്ടായിരുന്ന മറ്റൊരു കാറിനു തടസമുണ്ടാക്കി.
ബൈക്ക് മാറ്റാൻ ആവശ്യപ്പെട്ട കാർ ഡ്രൈവറെ ഇരുവരും ചേർന്ന് മർദിക്കുകയും കാറിന്‍റെ ഇടതുവശത്തെ ചില്ല് അടിച്ചു തകർക്കുകയും ചെയ്തു. പമ്പ് ജീവനക്കാരും വഴിയാത്രക്കാരും ചേർന്ന് ഇതു തടയാൻ ശ്രമിച്ചതോടെ പ്രതികൾ അവർക്ക് നേരേ തിരിഞ്ഞു.
സംഭവമറിഞ്ഞ് തിരുവല്ല നഗരത്തിൽ ഡ്യൂട്ടിയിൽ ഉണ്ടായിരുന്ന രണ്ട് പോലീസുകാർ എത്തിയെങ്കിലും യുവാക്കൾ പോലീസുകാർക്ക് നേരെയും ആക്രമണത്തിന് മുതിർന്നു. തു
ടർന്ന് തിരുവല്ല സ്റ്റേഷനിൽനിന്നു കൂടുതൽ പോലീസെത്തി ഇവരെ കീഴ്പെടുത്തുകയായിരുന്നു. തിരുവല്ല കോടതിയിൽ ഹാജരാക്കിയ യുവാക്കളെ റിമാൻഡു ചെയ്തു.
