ബി​ല്ലു​ക​ളി​ല്‍ ഒ​പ്പി​ടാ​ത്ത ഗ​വ​ർ​ണ​റെ പൂ​ട്ടാ​നൊ​രു​ങ്ങി സ​ർ​ക്കാ​ർ; സു​പ്രീം​കോ​ട​തി​യി​ല്‍ ഹ​ര്‍​ജി ഫ​യ​ല്‍ ചെ​യ്തു; ന​ട​പ​ടി നി​യ​മോ​പ​ദേ​ശം തേ​ടി​യ​ശേ​ഷം

തി​രു​വ​ന​ന്ത​പു​രം: നി​യ​മ​സ​ഭ പാ​സാ​ക്കിയ ബി​ല്ലു​ക​ളി​ല്‍ ഒ​പ്പി​ടാത്ത​ ഗ​വ​ർ​ണ​റെ കോ​ട​തി​യി​ൽ നേ​രി​ടാ​ൻ സം​സ്ഥാ​ന സ​ർ​ക്കാ​ർ. കേ​ര​ള ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നെ​തി​രേ സ​ര്‍​ക്കാ​ര്‍ സു​പ്രീം​കോ​ട​തി​യി​ല്‍ ഹ​ര്‍​ജി ഫ​യ​ല്‍ ചെ​യ്തു. ബി​ല്ലു​ക​ളി​ല്‍ ഗ​വ​ര്‍​ണ​ര്‍ ഒ​പ്പി​ട​ാത്ത​തി​നെ​തി​രേയാ​ണ് ഹ​ര്‍​ജി.

എ​ട്ട് ബി​ല്ലു​ക​ളി​ൽ ഗ​വ​ർ​ണ​ർ തീ​രു​മാ​ന​മെ​ടു​ത്തി​ട്ടി​ല്ലെ​ന്നും മൂ​ന്ന് ബി​ല്ലു​ക​ളി​ൽ ര​ണ്ട് വ​ർ​ഷ​ത്തി​ലേ​റെ​യാ​യി അ​ട​യി​രി​ക്കു​ന്നു​വെ​ന്നും മൂ​ന്ന് ബി​ല്ലു​ക​ൾ പി​ടി​ച്ചു​വച്ചി​ട്ട് ഒ​രു വ​ർ​ഷ​ത്തി​ലേ​റെ​യാ​യെ​ന്നും ഹ​ർ​ജി​യി​ൽ ചൂ​ണ്ടി​ക്കാ​ട്ടു​ന്നു.

കൂ​ടാ​തെ 200ാം അ​നു​ച്ഛേ​ദം അ​നു​സ​രി​ച്ച് നി​യ​മ​സ​ഭ പാ​സാ​ക്കി പ​രി​ഗ​ണ​നയ്ക്ക് ​വി​ട്ട ബി​ല്ലു​ക​ളി​ൽ ഗ​വ​ർ​ണ​ർ എ​ത്ര​യും വേ​ഗം തീ​രു​മാ​ന​മെ​ടു​ക്ക​ണം. ബി​ല്ലു​ക​ൾ വൈ​കി​പ്പി​ക്കു​ന്ന ഗ​വ​ർ​ണ​റു​ടെ നി​ല​പാ​ട് ഭ​ര​ണ​ഘ​ട​ന​യു​ടെ അ​ടി​സ്ഥാ​ന ഘ​ട​നയ്​ക്ക് വി​രു​ദ്ധ​മാ​ണെ​ന്നും ഹ​ർ​ജി​യി​ൽ ആ​രോ​പി​ക്കു​ന്നു.

ഗ​വ​ർ​ണ​ർ ബി​ല്ലി​ൽ ഒ​പ്പി​ടു​ന്നി​ല്ലെ​ങ്കി​ല്‍ പു​നഃ​പ​രി​ശോ​ധ​ന​യ്ക്ക് തി​രി​ച്ച​യ​യ്ക്കാം. പു​നഃ​പ​രി​ശോ​ധ​ന​യ്ക്ക് അ​യ​ച്ച ബി​ല്‍ നി​യ​മ​സ​ഭ ഒ​രു മാ​റ്റ​വും വ​രു​ത്താ​തെ തി​രി​ച്ച​യ​ച്ചാ​ല്‍ ഗ​വ​ര്‍​ണ​ര്‍ ഒ​പ്പി​ടാ​ന്‍ ബാ​ധ്യ​സ്ഥ​നു​മാ​ണ്.

ബി​ല്ല് രാ​ഷ്ട്ര​പ​തി​യു​ടെ പ​രി​ഗ​ണ​ന​യ്ക്ക് വി​ടാ​നു​ള്ള അ​ധി​കാ​ര​വും ഗ​വ​ര്‍​ണ​ര്‍​ക്ക് ഭ​ര​ണ​ഘ​ട​ന ന​ല്‍​കു​ന്നു. എ​ന്നാ​ല്‍ ഗ​വ​ർ​ണ​ർ തീ​രു​മാ​നം എ​ടു​ക്കു​ന്ന​തി​നെ സം​ബ​ന്ധി​ച്ച് സ​മ​യ പ​രി​ധി നി​ശ്ച​യി​ച്ചി​ട്ടി​ല്ല.

ഗ​വ​ര്‍​ണ​ര്‍ ബി​ല്ലു​ക​ളി​ല്‍ തീ​രു​മാ​നം എ​ടു​ക്കാ​തെ അ​ന​ന്ത​മാ​യി നീ​ട്ടിക്കൊണ്ട് പോ​കു​ന്ന​തി​നെ​യാ​ണ് ഹ​ർ​ജി​യി​ൽ ചോ​ദ്യം ചെ​യ്യു​ന്ന​ത്.

നി​യ​മോ​പ​ദേ​ശം തേ​ടി​യ ശേ​ഷ​മാ​ണ് സ​ർ​ക്കാ​ർ സു​പ്രീം​കോ​ട​തി​യെ സ​മീ​പി​ച്ച​ത്.
നേ​ര​ത്തെ തെ​ല​ങ്കാ​ന, പ​ഞ്ചാ​ബ്, ത​മി​ഴ്‌​നാ​ട് എ​ന്നീ സം​സ്ഥാ​ന​ങ്ങ​ളും ഗ​വ​ർ​ണ​ർ​ക്കെ​തി​രേ സു​പ്രീം കോ​ട​തി​യെ സ​മീ​പി​ച്ചി​രു​ന്നു.