കോട്ടയം: കേരളത്തിലെ ഓരോ പൗരനെയും ഒന്നരലക്ഷം രൂപ കടക്കെണിയിലാക്കി ഭരണം ആഘോഷമാക്കി മാറ്റുന്ന മുഖ്യമന്ത്രി നാടിന് ശാപമാണെന്നു പി.സി. ജോര്‍ജ്.
സര്‍ക്കാര്‍ ഉദ്യോഗസ്ഥര്ക്ക് ശമ്പളം നല്‍കാന്‍ പണമില്ലാത്തതുകൊണ്ട് സഹകരണ ബാങ്കുകളെ ഉപയോഗപ്പെടുത്താന്‍ ശ്രമം നടത്തുന്ന ധനമന്ത്രിയുടെ ഗതികേട് കേരളം കണ്ടുകൊണ്ടിരിക്കുകയാണ്.
കടമെടുക്കുന്ന പണം പ്രത്യുല്‍പാദന മേഖലയില്‍ ചെലവഴിക്കുന്നതിനു പകരം ആഡംബരങ്ങള്‍ക്കും ഭരണ ധൂര്‍ത്തിനും വേണ്ടി ചെലവാക്കുന്നു.
യുഎഇ സ്വര്‍ണക്കള്ളക്കടത്തില്‍ മുഖ്യമന്ത്രിയുടെ പങ്കാളിത്തം വളരെ വ്യക്തമായി തെളിയുന്നുണ്ട്. ശിവശങ്കര്‍ അറസ്റ്റിലായതോടെ മുഖ്യമന്ത്രിയും ഇഡിയുടെ കസ്റ്റഡിയില്‍ ആകാനുള്ള സാധ്യത തള്ളിക്കളയാന്‍ കഴിയില്ലെന്നും ഈ അപമാന ഭാരംകൂടി കേരള ജനതയ്ക്ക് നല്‍കാതെ പിണറായി വിജയന്‍ മുഖ്യമന്ത്രിസ്ഥാനം രാജിവയ്ക്കണമെന്നു പി.സി. ജോര്‍ജ് ആവശ്യപ്പെട്ടു.
