ശേഷം നേരിൽ: മുഖാമുഖവുമായി മുഖ്യമന്ത്രി ജില്ലകളിലേക്ക്: ഇത്തവണ കാണുന്നത് പൗരപ്രമുഖരെയല്ല, സാധാരണക്കാരെ

തി​രു​വ​ന​ന്ത​പു​രം: ലോ​ക്സ​ഭാ തെ​ര​ഞ്ഞെ​ടു​പ്പ് മു​ന്നി​ലെ​ത്തി നി​ൽ​ക്കെ വീ​ണ്ടും ജ​ന​ങ്ങ​ളു​മാ​യി സം​വ​ദി​ക്കാ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​നും സം​ഘ​വും ജി​ല്ല​ക​ളി​ലേ​ക്കു പോ​കു​ന്നു. ന​വ​കേ​ര​ള സ​ദ​സി​ൽ പൗ​ര പ്ര​മു​ഖ​രു​മാ​യാ​ണു മു​ഖ്യ​മ​ന്ത്രി​യും മ​ന്ത്രി​മാ​രും ഒ​ന്നി​ച്ചി​രു​ന്ന​തെ​ങ്കി​ൽ ഇ​ത്ത​വ​ണ സാ​ധാ​ര​ണ​ക്കാ​രു​മാ​യി മു​ഖാ​മു​ഖം പ​രി​പാ​ടി ന​ട​ത്താ​നാ​ണ് തീ​രു​മാ​നം.

ഈ ​മാ​സം 18 മു​ത​ൽ മാ​ർ​ച്ച് മൂന്നു വ​രെ മു​ഖ്യ​മ​ന്ത്രി പി​ണ​റാ​യി വി​ജ​യ​നും സം​ഘ​വും മു​ഖാ​മു​ഖം പ​രി​പാ​ടി​യു​മാ​യി ജി​ല്ല​ക​ളി​ലെ​ത്തും. ജി​ല്ല​ക​ളി​ലെ വി​ദ്യാ​ർ​ഥി- യു​വ​ജ​ന-​വ​നി​ത- സാം​സ്കാ​രി​ക- ആ​ദി​വാ​സി- ദ​ളി​ത്- ഭി​ന്ന​ശേ​ഷി- വ​യോ​ജ​ന പ്ര​തി​നി​ധി​ക​ളു​മാ​യി മു​ഖാ​മു​ഖം ന​ട​ത്തും. കൂ​ടാ​തെ പെ​ൻ​ഷ​ൻ​കാ​രു​ടെ സം​ഘ​ട​നാ പ്ര​തി​നി​ധി​ക​ൾ, തൊ​ഴി​ലാ​ളി- ക​ർ​ഷ​ക- റ​സി​ഡ​ൻ​സ് അ​സോ​സി​യേ​ഷ​ൻ പ്ര​തി​നി​ധി​ക​ൾ തു​ട​ങ്ങി​യ​വ​രു​മാ​യി സം​വാ​ദം ന​ട​ത്തും. ഒ​രു ദി​വ​സം ഒ​രു ജി​ല്ല​യി​ലെ പ​രി​പാ​ടി​യി​ൽ പ​ങ്കെ​ടു​ക്കും. രാ​വി​ലെ പ്രാ​ത​ലോ​ടെ​യാ​കും തു​ട​ങ്ങു​ക. ഒ​രു ജി​ല്ല​യി​ൽ എ​ത്ര പ​രി​പാ​ടി വേ​ണ​മെ​ന്ന കാ​ര്യ​ത്തി​ൽ പി​ന്നീ​ടാ​കും തീ​രു​മാ​നി​ക്കു​ക.

കെ​പി​സി​സി പ്ര​സി​ഡ​ന്‍റ് കെ.​ സു​ധാ​ക​ര​നും പ്ര​തി​പ​ക്ഷ നേ​താ​വ് വി.​ഡി.​ സ​തീ​ശ​നും ന​യി​ക്കു​ന്ന സ​മ​രാ​ഗ്നി എ​ന്ന ജ​ന​കീ​യ പ്ര​ക്ഷോ​ഭ​യാ​ത്ര ഫെ​ബ്രു​വ​രി ഒ​ൻ​പ​തി​ന് കാ​സ​ർ​ഗോ​ഡ് നി​ന്ന് തു​ട​ങ്ങു​ന്നു​ണ്ട്. കേ​ന്ദ്ര-​സം​സ്ഥാ​ന സ​ർ​ക്കാ​രുക​ളു​ടെ ജ​ന​വി​രു​ദ്ധ​ത തു​റ​ന്നു​കാ​ട്ടു​ക​യാ​ണു കോ​ണ്‍​ഗ്ര​സി​ന്‍റെ സ​മ​രാ​ഗ്നി​യു​ടെ ല​ക്ഷ്യം. ഇ​തി​നു ബ​ദ​ലാ​കു​ക എ​ന്ന ല​ക്ഷ്യ​വും മു​ഖ്യ​മ​ന്ത്രി​യു​ടെ മു​ഖാ​മു​ഖ​ത്തി​നു​ണ്ട്.

മു​ഖ്യ​മ​ന്ത്രി​യു​ടെ മു​ഖാ​മു​ഖം പ​രി​പാ​ടി സം​ബ​ന്ധി​ച്ച് ഇ​ന്ന​ലെ ഉ​ന്ന​ത ഉ​ദ്യോ​ഗ​സ്ഥ​രു​ടെ യോ​ഗം ഓ​ണ്‍​ലൈ​നാ​യി ചേ​ർ​ന്നു. യോ​ഗ​ത്തി​ൽ മ​ന്ത്രി​മാ​ർ, സം​സ്ഥാ​ന ചീ​ഫ് സെ​ക്ര​ട്ട​റി, അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി​മാ​ർ, പ്രി​ൻ​സി​പ്പ​ൽ സെ​ക്ര​ട്ട​റി​മാ​ർ, സെ​ക്ര​ട്ട​റി​മാ​ർ, സം​സ്ഥാ​ന പോ​ലീ​സ് മേ​ധാ​വി, മ​റ്റു വ​കു​പ്പു മേ​ധാ​വി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.

കെ. ​ഇ​ന്ദ്ര​ജി​ത്ത്