ദൈ​ന്യ​ത​യു​ടെ മു​ഖ​വു​മാ​യി പി​ഞ്ചു, കൂ​ടു​ത​ൽ അ​വ​ശ​യാ​യി ‌! ആ​ന​ക്കു​ട്ടി​യു​ടെ നി​ല​വി​ളി​യി​ൽ ഗ്രാ​മം തേ​ങ്ങു​ന്നു

കോ​ന്നി: ആ​ന​ക്കു​ട്ടി​യു​ടെ നി​ല​വി​ളി​യി​ൽ ഗ്രാ​മം തേ​ങ്ങു​ന്നു. ക​ഴി​ഞ്ഞ ഏ​താ​നും മാ​സ​ങ്ങ​ളാ​യി ഗു​രു​ത​ര ആ​രോ​ഗ്യ​പ്ര​ശ്നം ബാ​ധി​ച്ച് ചി​കി​ത്സ​യി​ൽ ക​ഴി​യു​ന്ന കോ​ന്നി ആ​ന​ത്താ​വ​ള​ത്തി​ലെ ഇ​ളം ത​ല​മു​റ​ക്കാ​രി പി​ഞ്ചു (നാ​ല്) വി​ന്‍റെ ആ​രോ​ഗ്യ​സ്ഥി​തി​യാ​ണ് കൂ​ടു​ത​ൽ സ​ങ്കീ​ർ​ണ​മാ​യ​ത്.

ആ​ന​ക്കു​ട്ടി​യു​ടെ യ​ഥാ​ർ​ഥ ആ​രോ​ഗ്യ​പ്ര​ശ്നം ക​ണ്ടെ​ത്താ​നാ​കാ​തെ, വ​നം വെ​റ്റ​റി​ന​റി വി​ഭാ​ഗം ന​ട​ത്തി​യ ചി​കി​ത്സ​യാ​ണ് സ്ഥി​തി വ​ഷ​ളാ​ക്കി​യ​തെ​ന്നു പ​റ​യു​ന്നു.

ആ​ന​ത്താ​വ​ള​ത്തി​ൽ എ​ത്തി ഏ​താ​നും മാ​സ​ങ്ങ​ൾ​ക്കു​ള്ളി​ൽ ആ​രോ​ഗ്യ​പ്ര​ശ്നം ക​ണ്ടെ​ത്തി​യ കു​ട്ടി​യാ​ന​യ്ക്കു തു​ട​ക്ക​ത്തി​ൽ ഹെ​ർ​പ്പീ​സ് വൈ​റ​സ് ബാ​ധ​യെ​ന്ന് ക​ണ്ടെ​ത്തി​യി​രു​ന്നു.

വി​ദ​ഗ്ധ​മാ​യ പ​രി​ച​ര​ണ​ത്തി​ലൂ​ടെ ഇ​തി​നെ അ​തി​ജീ​വി​ച്ച് ഏ​താ​നം മാ​സ​ങ്ങ​ൾ പി​ന്നി​ട്ട​പ്പോ​ഴാ​ണ് കൂ​ട്ടി​യാ​ന​യി​ൽ അ​ടു​ത്ത പ്ര​ശ്നം ക​ണ്ടെ​ത്തു​ന്ന​ത്. ആ​ന​ക്കു​ട്ടി പി​ന്നി​ലെ ഒ​രു കാ​ൽ നി​ല​ത്തു​റ​പ്പി​ച്ചി​രു​ന്നി​ല്ല.

ചി​കി​ത്സ തു​ട​ങ്ങി​യ വി​ദ​ഗ്ധ​ർ ആ​ദ്യം പ​റ​ഞ്ഞ​ത് ആ​ന​യു​ടെ കാ​ലി​ൽ ര​ണ്ട് ന​ഖ​ങ്ങ​ൾ അ​ധി​ക​മാ​യി വ​ള​ർ​ന്നെ​ന്നും ഇ​തി​ൽ ഒ​രെ​ണ്ണം മാം​സ​ത്തി​നു​ള്ളി​ലേ​ക്ക് വ​ള​ർ​ന്ന​താ​ണ് പ്ര​ശ്ന​മെ​ന്നു​മാ​യി​രു​ന്നു നി​ഗ​മ​നം.

ഇ​തി​നു ചി​കി​ത്സ ന​ട​ക്കു​ന്ന​തി​നി​ടെ അ​ടു​ത്ത കാ​ലും നി​ല​ത്തു​റ​പ്പി​ക്കാ​നാ​കാ​തെ ആ​ന​ക്കു​ട്ടി എ​ഴു​ന്നേ​ൽ​ക്കാ​തെ​യാ​യി.എ​ക്സ്റേ ഉ​ൾ​പ്പെ​ടെ എ​ടു​ത്തെ​ങ്കി​ലും വി​ദ​ഗ്ധ​ർ​ക്ക് വ്യ​ക്ത​മാ​യ ക​ണ്ടെ​ത്ത​ൽ ഉ​ണ്ടാ​യി​ല്ല. ഏ​താ​നും ദി​വ​സം പി​ന്നി​ട്ട​പ്പോ​ൾ ആ​ന​യു​ടെ ഇ​ടു​പ്പെ​ല്ല് തെ​ന്നി മാ​റി​യ​താ​ണ് കാ​ര​ണ​മെ​ന്ന് ക​ണ്ടെ​ത്ത​ൽ ഉ​ണ്ടാ​യി.

ഇ​തി​നി​ടെ കി​ട​പ്പി​ലാ​യ ആ​ന​യു​ടെ ത്വ​ക്കു​ക​ൾ പൊ​ട്ടി വ്ര​ണം രൂ​പ​പ്പെ​ട്ടി​രു​ന്നു. കാ​ലി​നു പ​രി​ക്കു​ണ്ടെ​ന്ന് വ​ന്നേ​തോ​ടെ കു​ട്ടി​യാ​ന​യെ നാ​ലു ട​ണ്ണോ​ളം ഭാ​രം വ​രു​ന്ന ചെ​യി​ൻ ബ്ലോ​ക്ക് ഉ​പ​യോ​ഗി​ച്ച് ര​ണ്ടു ദി​വ​സ​ങ്ങ​ളി​ലാ​യി മ​ണി​ക്കൂ​റു​ക​ളോ​ളം ഉ​യ​ർ​ത്തി നി​ർ​ത്തി.

ചെ​യി​ൻ ബ്ലോ​ക്ക് ഉ​പ​യോ​ഗി​ച്ച് ഉ​യ​ർ​ത്തി​യ​പ്പോ​ൾ ഇ​ത് മു​റു​കി ക​ണ​ങ്കാ​ൽ ഭാ​ഗ​ത്ത് വ​ലി​യ തോ​തി​ലു​ള്ള മു​റി​വ് ഉ​ണ്ടാ​യി മാം​സം വ​രെ പു​റ​ത്തു കാ​ണാ​വു​ന്ന അ​വ​സ്ഥ​യി​ലാ​യി. കി​ട​പ്പി​ലാ​യി​രു​ന്ന ആ​ന​ക്കു​ട്ടി​യെ കു​ളം നി​ർ​മി​ച്ച് ഇ​തി​ൽ ഇ​റ​ക്കി നി​ർ​ത്താ​നും നേ​ര​ത്തേ തീ​രു​മാ​നി​ച്ചി​രു​ന്നു.

ആ​ന​ക്കു​ട്ടി​യെ കി​ട​ത്തി​യി​രി​ക്കു​ന്ന ഭാ​ഗ​ത്തോ​ടു ചേ​ർ​ന്ന് കു​ള​വും നി​ർ​മി​ച്ചി​രു​ന്നു. വേ​ദ​ന കൊ​ണ്ടു പു​ള​യു​ന്ന ആ​ന​ക്കു​ട്ടി​യു​ടെ ദീ​ന​രോ​ദ​നം രാ​പ​ക​ൽ ഗ്രാ​മ​ത്തി​ന്‍റെ ക​ണ്ണു ന​ന​യ്ക്കു​ക​യാ​ണ്. വെ​റ്റ​റി​ന​റി വ​കു​പ്പി​ലെ വി​ദ​ഗ്ധ​രെ​ല്ലാം ന​ന്നെ ആ​ന​ക്കു​ട്ടി​യെ പ​രി​ശോ​ധി​ച്ചു ക​ഴി​ഞ്ഞു.

എ​ന്നാ​ൽ ഇ​വ​രു​ടെ ക​ണ്ടെ​ത്ത​ലു​ക​ള​ല്ല ശ​രി​യെ​ന്നാ​ണ് ആ​ന പ്രേ​മി​ക​ൾ പ​റ​യു​ന്ന​ത്. ഇ​പ്പോ​ൾ ആ​ന​യെ പ​രി​ച​രി​ക്കു​ന്ന അ​സി​സ്റ്റ​ന്‍റ് വെ​റ്റ​റി​ന​റി ഓ​ഫീ​സ​റു​ടെ നേ​തൃ​ത്വ​ത്തി​ലാ​ണ് ചി​കി​ത്സ.

ചി​കി​ത്സ​യു​ടെ ഭാ​ഗ​മാ​യി ആ​ന​യെ ഉ​യ​ർ​ത്ത​ണ​മെ​ങ്കി​ൽ ആ​ദ്യം ഫോം ​ബെ​ഡ് ഉ​പ​യോ​ഗി​ച്ച് പൊ​തി​ഞ്ഞ ശേ​ഷ​മാ​ക​ണ​മെ​ന്ന് ചൂണ്ടി​ക്കാ​ട്ട​പ്പെ​ടു​ന്നു.

എ​ന്നാ​ൽ ഇ​ത്ത​രം രീ​തി പാ​ലി​ക്കാ​തെ ഇ​രു​മ്പ് ചെ​യി​ൻ ബ്ലോ​ക്കി​ൽ ഘ​ന​മേ​റി​യ ബെ​ൽ​റ്റ് ഉ​പ​യോ​ഗി​ച്ചാ​ണ് ഉ​യ​ർ​ത്തി​യ​ത്. ഇ​തു മൂ​ല​മാ​ണ് കു​ട്ടി​യാ​ന​യു​ടെ ശ​രീ​ര​ത്തി​ൽ ആ​ഴ​ത്തി​ലു​ള്ള മു​റി​വ് ഉ​ണ്ടാ​യ​ത്.

സം​ഭ​വം പു​റ​ത്ത​റി​യാ​തി​രി​ക്കാ​ൻ ആ​ന​ക്കൂ​ടി​ന്‍റെ എ​ല്ലാ ഭാ​ഗ​വും ടാ​ർ​പ് ഉ​പ​യോ​ഗി​ച്ച് മ​റ​ച്ചി​രി​ക്കു​ക​യാ​ണ്.

ക​ഴി​ഞ്ഞ ഡി​സം​ബ​റി​ലാ​ണ് പി​ഞ്ചു​വി​ന് പി​ൻ കാ​ലി​ലെ പ്ര​ശ്നം ഗു​രു​ത​ര​മാ​യ​ത്. തു​ട​ർ​ന്ന് കൈ​കാ​ലു​ക​ളി​ൽ വ​ലി​യ തോ​തി​ൽ നീ​ര് ഉ​ണ്ടാ​യി ആ​ന കി​ട​ക്കുകയായിരുന്നു.

തു​ട​ർ​ന്ന് വി​ദ​ഗ്ധ ഡോ​ക്ട​ർ​മാ​രെ​ത്തി സ്ഥി​തി​ഗ​തി​ക​ൾ വി​ല​യി​രു​ത്തി. ഡി​സം​ബ​ർ അ​വ​സാ​ന​വാ​രം എ​ക്സ​റേ എ​ടു​ക്കാ​നാ​യി മ​യ​ക്കാ​ൻ മ​രു​ന്നു കു​ത്തി​വ​ച്ച​ത് അ​ള​വി​ൽ കൂ​ടി​യ​ത് വ​ലി​യ വി​വാ​ദ​മാ​യി​രു​ന്നു. അ​തി​നു ശേ​ഷം കു​ട്ടി​യാ​ന ദി​വ​സ​ങ്ങ​ളോ​ളം കി​ട​പ്പി​ലാ​യി.

പി​ന്നീ​ട് ജ​നു​വ​രി ആ​റു മു​ത​ൽ ഒ​ന്നു ര​ണ്ടു ദി​വ​സം ആ​ന സ്വ​യം എ​ഴു​ന്നേ​റ്റെ​ങ്കി​ലും വീ​ണ്ടും കി​ട​പ്പി​ലാ​യ​തോ​ടെ ക്രെ​യി​ൻ ഉ​പ​യോ​ഗി​ച്ച് ഉ​യ​ർ​ത്താ​ൻ ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ട്ടി​രു​ന്നു.

2016-ൽ ​അ​ച്ച​ൻ​കോ​വി​ൽ വ​ന​മേ​ഖ​ല​യി​ലെ ക​ട​മ്പു​പാ​റ​യി​ൽ നി​ന്നും ല​ഭി​ച്ച​താ​ണ് പി​ഞ്ചു​വി​നെ. പി​ഞ്ചു എ​ന്ന് പേ​രി​ട്ട​ത് വ​നം മ​ന്ത്രി​യാ​യ കെ.​ രാ​ജു​വാ​ണ്.

2017ൽ ​ഹെ​ർ​പ്പീ​സ് വൈ​റ​സി​നെ അ​തി​ജീ​വി​ച്ച പി​ഞ്ചു​വി​ന്‍റെ ഇ​പ്പോ​ഴ​ത്തെ ദ​യ​നീ​യ സ്ഥി​തി​ക്കുകാ​ര​ണം ചി​കി​ത്സ​യി​ലെ പി​ഴ​വാ​ണെ​ന്ന ആ​ക്ഷേ​പം നി​ല​നി​ൽ​ക്കു​ന്പോ​ൾ മ​ന്ത്രി സ്ഥ​ല​ത്തെ​ത്തി വി​ദ​ഗ്ധ ചി​കി​ത്സ​യ്ക്കു​ള്ള നി​ർ​ദേ​ശം ന​ൽ​കി​യി​രു​ന്നു. ‌