തളിപ്പറമ്പിലെ പൂവാലൻമാർ ജാഗ്രതൈ … പി​ങ്ക് പോ​ലീ​സ് പിറകിലുണ്ട്

ത​ളി​പ്പ​റ​മ്പ്: സ്ത്രീ ​സു​ര​ക്ഷ​യെ ല​ക്ഷ്യ​മാ​ക്കി ത​ളി​പ്പ​റ​മ്പി​ലും ന​ഗ​ര​പ്ര​ദേ​ശ​ങ്ങ​ളി​ലും ഒ​രാ​ഴ്ച​യ്ക്കു​ള്ളി​ല്‍ പി​ങ്ക് പോ​ലീ​സ് സം​വി​ധാ​നം ആ​രം​ഭി​ക്കും.

ക​ണ്ണൂ​ര്‍ റൂ​റ​ല്‍ പോ​ലീ​സ് ആ​സ്ഥാ​നം മാ​ങ്ങാ​ട്ടു​പ​റ​മ്പി​ല്‍ പി​ങ്ക് പോ​ലീ​സ് പ്ര​വ​ര്‍​ത്ത​നം തു​ട​ങ്ങി​യ​തോ​ടെ​യാ​ണ് ത​ളി​പ്പ​റ​മ്പി​ലും പി​ങ്ക് പോ​ലീ​സ് സേ​വ​നം ആ​രം​ഭി​ക്കു​ന്ന​ത്.

ക​ണ്ണൂ​ര്‍ ജി​ല്ല​യി​ല്‍ നി​ല​വി​ല്‍ സി​റ്റി പോ​ലീ​സ് പ​രി​ധി​യി​ലെ ത​ല​ശേ​രി, ക​ണ്ണൂ​ര്‍ എ​ന്നി​വി​ട​ങ്ങ​ളി​ല്‍ മാ​ത്ര​മാ​ണ് പി​ങ്ക് പോ​ലീ​സ് സേ​വ​ന​മു​ള്ള​ത്.

സ്ത്രീ​ക​ള്‍​ക്കും കു​ട്ടി​ക​ള്‍​ക്കും നേ​രെ വ​ര്‍​ധി​ച്ചു വ​രു​ന്ന അ​തി​ക്ര​മ​ങ്ങ​ള്‍ ത​ട​യു​ന്ന​തി​നും ക്രി​മി​ന​ലു​ക​ളെ ക​ണ്ടെ​ത്തി പി​ടി​കൂ​ടു​ന്ന​തി​നു​മാ​ണ് പി​ങ്ക് പോ​ലീ​സ് പ്ര​വ​ര്‍​ത്തി​ക്കു​ന്ന​ത്.

പ്ര​ത്യേ​ക പ​രി​ശീ​ല​നം ല​ഭി​ച്ച വ​നി​താ പോ​ലീ​സു​കാ​രാ​ണ് വി​ളി​പ്പു​റ​പ്പെ​ത്തു​ന്ന പി​ങ്ക് സേ​വ​ന​ത്തി​ലേ​ർ​പ്പെ​ട്ടി​രി​ക്കു​ന്ന​ത്. റൂ​റ​ല്‍ ജി​ല്ല​യി​ലെ ആ​ദ്യ​ത്തെ പി​ങ്ക് പോ​ലീ​സ് സം​വി​ധാ​ന​മാ​ണ് ത​ളി​പ്പ​റ​മ്പി​ല്‍ തു​ട​ങ്ങു​ന്ന​ത്.

ത​ളി​പ്പ​റ​മ്പ് കേ​ന്ദ്രീ​ക​രി​ച്ചു​ള്ള പ്ര​വ​ര്‍​ത്ത​നം അ​ടു​ത്ത​യാ​ഴ്ച​യോ​ടെ ആ​രം​ഭി​ക്കും. പി​ന്നീ​ട് റൂ​റ​ല്‍ എ​സ്പി​യു​ടെ കീ​ഴി​ലു​ള്ള മ​റ്റ് പോ​ലീ​സ് സ്റേ​ഷ​ന്‍ പ​രി​ധി​യി​ലേ​ക്കും പി​ങ്ക് പോ​ലീ​സി​ന്‍റെ പ്ര​വ​ര്‍​ത്ത​നം വ്യാ​പി​പ്പി​ക്കും.

പൂ​വാ​ല ശ​ല്യം ത​ട​യു​ന്ന​തി​ന് ബ​സ് സ്റ്റാ​ന്‍​ഡു​ക​ളി​ലും മ​റ്റ് പ്ര​ധാ​ന കേ​ന്ദ്ര​ങ്ങ​ളി​ലും പ്ര​ത്യേ​ക നി​രീ​ക്ഷ​ണം ഏ​ര്‍​പ്പെ​ടു​ത്തു​മെ​ന്ന് ഡി​വൈ​എ​സ്പി ടി.​കെ. ര​ത്‌​ന​കു​മാ​ര്‍ അ​റി​യി​ച്ചി​ട്ടു​ണ്ട്.

രാ​വി​ലെ എ​ട്ടു മു​ത​ല്‍ രാ​ത്രി എ​ട്ടു​വ​രെ​യാ​ണ് പി​ങ്ക് പോ​ലീ​സി​ന്‍റെ പ്ര​വ​ര്‍​ത്ത​നം. നാ​ലു വ​നി​താ പോ​ലീ​സു​കാ​രെ​യാ​ണ് ഇ​തി​നാ​യി പ്ര​ത്യേ​കം പ​രി​ശീ​ല​നം ന​ല്‍​കി ചു​മ​ത​ല​പ്പെ​ടു​ത്തി​യി​രി​ക്കു​ന്ന​ത്.

കാ​ലാ​കാ​ല​ങ്ങ​ളാ​യി ത​ളി​പ്പ​റ​മ്പി​ലെ​ത്തു​ന്ന സ്ത്രീ​ക​ളും വി​ദ്യാ​ര്‍​ത്ഥി​നി​ക​ളും അ​നു​ഭ​വി​ക്കു​ന്ന പൂ​വാ​ല​ശ​ല്യ​ത്തി​ന് ഇ​തോ​ടെ ഒ​രു​പ​രി​ധി​വ​രെ ആ​ശ്വാ​സ​മാ​കു​മെ​ന്നാ​ണു ക​രു​തു​ന്ന​ത്.

അ​പ്ര​തീ​ക്ഷി​ത​മാ​യി രാ​ത്രി വൈ​കി ബ​സ്‌​സ്റ്റാ​ന്‍​ഡി​ലെ​ത്തി പോ​കു​ന്ന വ​നി​ത​ക​ള്‍​ക്ക് പി​ങ്ക് പോ​ലീ​സ് സേ​വ​നം വ​ലി​യ ക​രു​ത​ലാ​കും.