നാ​ലാം ദി​വ​സ​വും തൃ​ശൂ​രി​ലെ പൈ​പ്പി​ൽ ശൂൂൂ (കാറ്റു മാത്രം)! വീ​ട്ടു​കാ​രും ഫ്ളാ​റ്റു​ക​ളി​ൽ താ​മ​സി​ക്കു​ന്ന​വ​രും ഹോ​ട്ട​ലു​ക​ളും പൊ​റു​തി​മു​ട്ടി

സ്വ​ന്തം ലേ​ഖ​ക​ൻ

തൃ​ശൂ​ർ: ന​ഗ​ര​ത്തി​ൽ കു​ടി​വെ​ള്ള പൈ​പ്പു​ക​ൾ തു​റ​ന്നാ​ൽ കാ​റ്റു മാ​ത്രം. ഒ​രു തു​ള്ളി​വെ​ള്ളം​പോ​ലും വ​രാ​താ​യി​ട്ടു നാ​ലു ദി​വ​സ​മാ​യി. വെ​ള്ള​മി​ല്ലാ​തെ വീ​ട്ടു​കാ​രും ഫ്ളാ​റ്റു​ക​ളി​ൽ താ​മ​സി​ക്കു​ന്ന​വ​രും ഹോ​ട്ട​ലു​ക​ളും സ്ഥാ​പ​ന​ങ്ങ​ളു​മെ​ല്ലാം പൊ​റു​തി​മു​ട്ടി.

പീ​ച്ചി​യി​ൽ പു​തു​താ​യി നി​ർ​മി​ച്ച ജ​ല​ശു​ദ്ധീ​ക​ര​ണ പ്ലാന്‍റു​മാ​യി പൈ​പ്പു​ലൈ​നു​ക​ൾ ബ​ന്ധി​പ്പി​ക്കു​ന്ന പ​ണി​ക​ൾ പൂ​ർ​ത്തി​യാ​ക്കാ​നാ​ണ് മൂ​ന്നു ദി​വ​സം കു​ടി​വെ​ള്ള വി​ത​ര​ണം നി​ർ​ത്തി​വ​ച്ച​ത്.

പ​ണി പൂ​ർ​ത്തി​യാ​ക്കി ഇ​ന്ന് ഉ​ച്ച​യോ​ടെ കു​ടി​വെ​ള്ള വി​ത​ര​ണം പു​നഃസ്ഥാ​പി​ക്കു​മെ​ന്നാ​ണ് ജ​ല അ​ഥോറി​റ്റി അ​ധി​കൃ​ത​ർ പ​റ​യു​ന്ന​ത്.

ന​ഗ​ര​ത്തി​ലെ വി​വി​ധ ഡി​വി​ഷ​നു​ക​ളി​ൽ കൗ​ണ്‍​സി​ല​ർ​മാ​രു​ടെ നേ​തൃ​ത്വ​ത്തി​ൽ ടാ​ങ്ക​ർ ലോ​റി​ക​ളി​ൽ കു​ടി​വെ​ള്ളം വി​ത​ര​ണം ചെ​യ്യേ​ണ്ടി​വ​ന്നു.

അ​റ്റ​കു​റ്റ​പ്പ​ണി​ക​ൾ​ക്കാ​യി തി​ങ്ക​ളാ​ഴ്ച മു​ത​ൽ മൂ​ന്നു ദി​വ​സം കു​ടി​വെ​ള്ള വി​ത​ര​ണം നി​ർ​ത്തി​വ​യ്ക്കു​മെ​ന്ന് വാ​ട്ട​ർ അഥോറി​റ്റി നേ​ര​ത്തെ അ​റി​യി​ച്ചി​രു​ന്നു.

ഇ​തു മ​ന​സി​ലാ​ക്കി സം​ഭ​രി​ച്ചു​വ​ച്ച കു​ടി​വെ​ള്ളം ര​ണ്ടാം ദി​വ​സം​ത​ന്നെ തീ​ർ​ന്നു. ഇ​ന്ന​ലെ കു​ടി​വെ​ള്ള വി​ത​ര​ണം പു​ന​ഃസ്ഥാ​പി​ക്കു​മെ​ന്നാ​യി​രു​ന്നു അ​വ​ർ അ​വ​കാ​ശ​പ്പെ​ട്ട​തെ​ങ്കി​ലും ഇ​ന്നും വി​ത​ര​ണം പു​നഃ​സ്ഥാ​പി​ക്കാ​നാ​യി​ട്ടി​ല്ല.

തൃ​ശൂ​ർ കോ​ർ​പ​റേ​ഷ​ൻ പ​രി​ധി​യി​ൽ മാ​ത്ര​മ​ല്ല, സ​മീ​പ പ​ഞ്ചാ​യ​ത്തു​ക​ളി​ലും കു​ടി​വെ​ള്ളം മു​ട​ങ്ങി​യി​രി​ക്കു​ക​യാ​ണ്. കോ​വി​ഡ് രോ​ഗി​ക​ൾ ഉ​ൾ​പ്പെ​ടെ വീ​ട്ടി​ൽ​നി​ന്ന് ഇ​റ​ങ്ങാ​ൻ പ​റ്റാ​ത്ത​വ​ർ കു​ടി​വെ​ള്ളം കി​ട്ടാ​തെ ദു​രി​ത​മ​നു​ഭ​വി​ക്കു​ക​യാ​ണെ​ന്നു കോ​ർ​പ​റേ​ഷ​ൻ കൗ​ണ്‍​സി​ല​ർ ജോ​ണ്‍ ഡാ​നി​യേ​ൽ പ​റ​ഞ്ഞു. പ്രാ​യ​മാ​യ​വ​ർ മാ​ത്രം താ​മ​സി​ക്കു​ന്ന വീ​ടു​ക​ളി​ലെ സ്ഥി​തി​യും ദു​രി​ത​പൂ​ർ​ണ​മാ​ണ്.