വാഴ കുലയ്ക്കും മുമ്പ് നടപടിയുണ്ടാകുമോ? പൈ​പ്പ് പൊ​ട്ടി കുടി വെ​ള്ളം പാ​ഴാ​കു​ന്നു: റോഡിൽ രൂപപ്പെട്ട കുഴിയിൽ വാഴനട്ട് പ്രതിഷേധിച്ച് നാട്ടുകാർ

വി​ഴി​ഞ്ഞം : ജ​ല​വി​ത​ര​ണ പൈ​പ്പ് പൊ​ട്ടി ഒ​ഴു​കാ​ൻ തു​ട​ങ്ങി​യി​ട്ട് ആ​ഴ്ച​ക​ളാ​യി​ട്ടും വാ​ട്ട​ർ ആ​ഥോ​റി​റ്റി അ​ധി​കൃ​ത​ർ തി​രി​ഞ്ഞ് നോ​ക്കു​ന്നി​ല്ലെ​ന്ന് പ​രാ​തി.

ആ​ഴാ​കു​ള​ത്തി​ന​ടു​ത്ത് റോ​ഡി​ൽ പൊ​ട്ടി​യ പൈ​പ്പി​ലൂ​ടെ വെ​ള്ളം പാ​ഴാ​യി​ട്ടും കാ​ഞ്ഞി​രം​കു​ളം ജ​ല​അ​ഥോ​റി​റ്റി അ​ധി​കൃ​ത​ർ ക​ണ്ട​ഭാ​വം കാ​ണി​ക്കു​ന്നി​ല്ലെ​ന്ന് നാ​ട്ടു​കാ​ർ പ​റ​യു​ന്നു.

വെ​ള്ളം ഒ​ഴു​കി ന​ടു​റോ​ഡി​ൽ കു​ഴി രൂ​പ​പ്പെ​ട്ട​തോ​ടെ​വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടു​ന്ന​തൊ​ഴി​വാ​ക്കാ​ൻ നാ​ട്ടു​കാ​ർ കു​ഴി​യി​ൽ വാ​ഴ​ന​ട്ടി​രി​ക്കു​ക​യാ​ണ്.

ആ​ഴാ​കു​ള​ത്തെ വി​ൽ​സ് ഹോ​സ്പി​റ്റ​ലി​ന് മു​ൻ​വ​ശ​ത്താ​ണ് വാ​ഹ​ന​യാ​ത്ര​ക്കാ​രെ​യും പ്ര​ദേ​ശ​വാ​സി​ക​ളെ​യും ഭീ​തി​യി​ലാ​ക്കി റോ​ഡി​ൽ കു​ഴി രൂ​പ​പ്പെ​ട്ടി​രി​ക്കു​ന്ന​ത്.

ര​ണ്ട് മാ​സം മാ​സം മു​മ്പ് ഈ ​ഭാ​ഗ​ത്ത് ജ​ല​വി​ത​ര​ണ പൈ​പ്പ് പൊ​ട്ടി വെ​ള്ളം ഒ​ഴു​കി​യി​രു​ന്ന​ത് നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് ക​രാ​റു​കാ​രെ​ത്തി ത​ത്കാ​ലി​ക​മാ​യി അ​ട​ച്ചി​രു​ന്നു.

കെ​എ​സ്ആ​ർ​ടി​സി ബ​സു​ക​ള​ട​ക്ക​മു​ള്ള വാ​ഹ​ന​ങ്ങ​ൾ സ​ഞ്ച​രി​ക്കു​ന്ന തി​ര​ക്കേ​റി​യ റോ​ഡി​ലാ​ണ് കു​ഴി. മാ​ത്ര​മ​ല്ല വി​ഴി​ഞ്ഞം തു​റ​മു​ഖ​ത്തി​നാ​വ​ശ്യ​മാ​യ ക​ല്ലു​മാ​യി എ​ത്തു​ന്ന കൂ​റ്റ​ൻ ടി​പ്പ​റി​ക​ളും ഇ​തു​വ​ഴി​യാ​ണ് സ​ഞ്ച​രി​ക്കു​ന്ന​ത്.​

ബ​ന്ധ​പ്പെ​ട്ട അ​ധി​കൃ​ത​രു​ടെ അ​നാ​സ്ഥ​യും അ​റ്റ​കു​റ്റ​പ്പ​ണി ന​ട​ത്തേ​ണ്ട ക​രാ​റു​കാ​ർ ത​മ്മി​ലു​ള്ള ച​ക്ക​ള​ത്തി​പോ​രു​മാ​ണ് ന​ടു​റോ​ഡി​ൽ അ​പ​ക​ട​ഭീ​ഷ​ണി ഉ​യ​ർ​ത്തി കു​ഴി​രൂ​പ​പ്പെ​ടാ​നും കു​ടി​വെ​ള്ളം പൊ​ട്ടി ഓ​ഴു​കാ​നും കാ​ര​ണ​മെ​ന്ന ആ​ക്ഷേ​പ​വും ശ​ക്ത​മാ​ണ്.