തൊടുപുഴ: തദ്ദേശ തെരഞ്ഞെടുപ്പിൽ കേരള കോണ്ഗ്രസും യുഡിഎഫും വൻ വിജയം നേടുമെന്നു പി.ജെ. ജോസഫ്. ഫലം വരുന്പോൾ രണ്ടില കരിഞ്ഞുപോകുമെന്നും ചെണ്ട കൊട്ടിക്കയറുമെന്നും ജോസഫ് പറഞ്ഞു.
ഇടുക്കിയിൽ യുഡിഎഫ് വൻ വിജയം നേടും. ഇടുക്കി ജില്ലാ പഞ്ചായത്തിലെ അഞ്ചു സീറ്റുകളിലും വിജയിക്കും. കൈപ്പത്തിയും ചെണ്ടയും തമ്മിൽ അഭേദ്യമായ ബന്ധമാണുള്ളത്.
അതുകൊണ്ടു തന്നെ ഒരു ഘട്ടത്തിലും മുന്നണിയിൽ തർക്കമുണ്ടായിട്ടില്ലെന്നും തൊടുപുഴ പുറപ്പുഴ സ്കൂളിൽ വോട്ട് രേഖപ്പെടുത്തിയശേഷം ജോസഫ് പറഞ്ഞു.
യഥാർഥ കേരള കോണ്ഗ്രസിന്റെ വിലയിരുത്തലാവും തെരഞ്ഞെടുപ്പ്. രണ്ടില ചിഹ്നം നഷ്ടമായതു ജയസാധ്യതയെ ഒരു തരത്തിലും ബാധിക്കില്ല. ചിഹ്നം മാറിയതുകൊണ്ടു വോട്ടർമാർക്ക് ആശയക്കുഴപ്പമുണ്ടാകില്ലെന്നും അദ്ദേഹം കൂട്ടിച്ചേർത്തു.
