കടയ്ക്കല്‍ : ഫേസ് ബുക്ക്‌ വഴി പരിചയപ്പെട്ട പ്ലസ് വണ്‍ വിദ്യാര്‍ഥിനിയെ പ്രണയം നടിച്ച് പീഡിപ്പിച്ചു ഗര്‍ഭിണിയാക്കിയെന്ന പരാതിയില്‍ യുവാവിനെ പോലീസ് അറസ്റ്റ് ചെയ്തു.
മടത്തറ സ്വദേശി 22 കാരനായ വിഷ്ണുവിനെയാണ് കടയ്ക്കൽ പോലീസ് അറസ്റ്റ് ചെയ്തത്.
കടയ്ക്കൽ സ്വദേശിനിയായ പ്ലസ് വൺ വിദ്യാർഥിനിയെ ഫേസ്ബുക്കിലൂടെ പരിചയപ്പെടുകയും പിന്നീട് പ്രണയം നടിച്ചു പ്രതിയുടെ വീട്ടിൽ കൊണ്ടുപോയും, പെൺകുട്ടിയുടെ വീട്ടിൽ മാതാപിതാക്കൾ ഇല്ലാത്ത സമയത്തും പീഡിപ്പിക്കുകയായിരുന്നുവെന്നാണ് പരാതി.
പെൺകുട്ടി പുനലുരിലുള്ള ബന്ധു വീട്ടിൽ എത്തിയപ്പോൾ കുട്ടിയുടെ പെരുമാറ്റത്തിൽ സംശയം തോന്നിയ ബന്ധുക്കൾ പുനലൂരിലെ സ്വകാര്യ ആശുപത്രിയിലെത്തിച്ചു പരിശോധനയ്ക്ക് വിധേയമാക്കി.
അപ്പോഴാണ് പെൺകുട്ടി അഞ്ചു മാസം ഗർഭിണിയാണെന്ന വിവരം പുറത്തറിയുന്നത്. ഇതോടെ മാതാപിതാക്കള്‍ കടയ്ക്കല്‍ പോലീസില്‍ പരാതി നല്‍കുകയായിരുന്നു.
പരാതിയില്‍ അന്വേഷണം ആരംഭിച്ച കടയ്ക്കല്‍ പോലീസ് പിന്നീട് വര്‍ക്ക്ഷോപ്പ്‌ ജീവനക്കാരനായ പ്രതി വിഷ്ണുവിനെ പിടികൂടുകയായിരുന്നു.
പോക്സോ അടക്കമുള്ള വകുപ്പുകള്‍ ചേര്‍ത്ത് അറസ്റ്റ് രേഖപ്പെടുത്തിയ പ്രതിയെ കോടതിയില്‍ ഹാജരാക്കി റിമാന്‍റ് ചെയ്തു.
