മോസ്‌കോ: പരീക്ഷണ പറക്കലിനിടെ റഷ്യയിൽ വിമാനം തകർന്നുവീണു മൂന്നുപേർ മരിച്ചു. റഷ്യൻ നിർമിത സൂപ്പർജെറ്റ് 100 വിമാനം മോസ്കോയിലെ കൊളോമെൻസ്കി ജില്ലയിലെ വനമേഖലയിലാണ് അപകടത്തിൽപ്പെട്ടത്.
വിമാനത്തിൽ ജീവനക്കാർ മാത്രമാണുണ്ടായിരുന്നത്. രക്ഷാപ്രവർത്തകർ സ്ഥലത്തെത്തിയെന്നും സംഭവത്തെക്കുറിച്ച് അന്വേഷണം ആരംഭിച്ചെന്നും അധികൃതർ പറഞ്ഞു.
പാശ്ചാത്യ നിർമിത വിമാനങ്ങൾക്കു പകരമായി റഷ്യ പ്രാദേശികമായി വികസിപ്പിച്ചെടുത്ത വിമാനമാണ് സുഖോയ് സൂപ്പർജെറ്റ്.
