അടുത്തൊരു തവണ നരേന്ദ്രമോദി പ്രധാനമന്ത്രി ആയാലും ഇല്ലെങ്കിലും നിലവില്‍ ഇന്ത്യയിലെ ഏറ്റവും കഠിനാധ്വാനിയായ രാഷ്ട്രീയക്കാരന്‍ ആരാണെന്ന ചോദ്യത്തിന് നരേന്ദ്രമോദി എന്ന് മാത്രമേ ഉത്തരം പറയാനാവൂ എന്നാണ് നിലവില്‍ പുറത്തു വന്നിരിക്കുന്ന ചില കണ്ടെത്തലുകള്‍ തെളിയിക്കുന്നത്.
ഈ തെരഞ്ഞെടുപ്പ് അടുത്തിരിക്കുന്ന വേളയില്‍ ഏറ്റവും കൂടുതല്‍ വേദികളില്‍ ഓടിനടന്ന് പ്രചാരണം നടത്തിയതിനെക്കുറിച്ച് നടത്തിയ അന്വേഷണത്തിലാണ് രാജ്യത്ത് ഏറ്റവും കൂടുതല്‍ അധ്വാനിക്കുന്ന നേതാവായി നരേന്ദ്രമോദിയെ തെരഞ്ഞെടുത്തത്.
ഈ വര്‍ഷം മോദി പങ്കെടുത്തത് 200 ലധികം റാലികളിലാണ്. ഇതിനായി കേരളത്തിലടക്കം രാജ്യത്തിന്റെ 27 സംസ്ഥാനങ്ങളിലെ വിവിധ നഗരങ്ങളില്‍ എത്തുകയും ചെയ്തു. ബിജെപിയുടെയും സംഘപരിവാറിന്റെയും തെരഞ്ഞെടുപ്പ് പ്രചരണത്തിന് ചുക്കാന്‍ പിടിക്കുകയും നേതൃത്വം നല്‍കുകയും ചെയ്യുന്ന നരേന്ദ്രമോദി ഡല്‍ഹിയില്‍ മാത്രം 30 പരിപാടികളില്‍ പങ്കെടുത്തു.
125 ദിവസത്തിനിടയില്‍ കഴിയാവുന്ന എല്ലാ മൂലകളിലേക്കും വരെ എത്തുകയും ചെയ്തു. സംസ്ഥാനങ്ങള്‍ക്ക് പുറമേ കേന്ദ്രഭരണ പ്രദേശങ്ങളും സന്ദര്‍ശിച്ച മോദി ഇതിനകം 14 മന്ത്രിസഭാ യോഗങ്ങളിലും പങ്കാളിയായി. തെരഞ്ഞെടുപ്പ് പ്രഖ്യാപിച്ച ശേഷം തന്നെ മോദി അടക്കമുള്ള ബിജെപി നേതാക്കള്‍ ആയിരത്തിലധികം റാലികളിലാണ് പങ്കെടുത്തത്.
