ആ​ലു​വ മ​ണ​പ്പു​റ​ത്ത് ആ​രു​ടെ​യോ കൈ​യി​ൽ ആ ​തു​ക​യു​ണ്ട്; ഗ​വേ​ഷ​ണ​ത്തി​നു പ​ണം തേ​ടി മ​ൺ​പാ​ത്ര വി​ൽ​പ്പ​ന; ഉച്ചമയക്കത്തിൽ മോ​ഷ്ടാ​വ് കൊ​ണ്ടു​പോ​യ​ത് ര​ണ്ടു ദി​വ​സ​ത്തെ സ​മ്പാ​ദ്യം

ബോ​ബ​ൻ ബി ​കി​ഴ​ക്കേ​ത്ത​റ
ആ​ലു​വ: ‘ആ​ലു​വ മ​ണ​പ്പു​റ​ത്ത് ആ​രു​ടെ​യോ കൈ​യി​ൽ ആ ​തു​ക​യു​ണ്ട്’. കോ​ള​ജ് അ​ധ്യാ​പി​ക​യാ​യ അം​ബി​ക ഗോ​പാ​ല​കൃ​ഷ്ണ​ൻ പ​റ​യു​ന്നു. ഉ​റ​ക്ക​മൊ​ഴി​ഞ്ഞും പൊ​രി​വെ​യി​ലേ​റ്റും മ​ൺ​പാ​ത്ര​ങ്ങ​ൾ വി​റ്റു​ണ്ടാ​ക്കി​യ 17000 രൂ​പ​യാ​ണ് ഉ​ച്ച​യു​റ​ക്ക​ത്തി​നി​ടെ അം​ബി​ക​യ്‌​ക്കു ന​ഷ്ട​മാ​യ​ത്. ക്ഷേ​ത്രാ​ങ്ക​ണ​ത്തി​ലെ ഇ​ല​ഞ്ഞി​മ​ര​ച്ചോ​ട്ടി​ലെ ഉ​ച്ച​മ​യ​ക്ക​ത്തി​നി​ട​യി​ലാ​ണ് ചോ​ര​നീ​രാ​ക്കി​യു​ണ്ടാ​ക്കി​യ നോ​ട്ടു​ക​ൾ അ​ട​ങ്ങി​യ പൊ​തി മോ​ഷ​ണം പോ​യ​ത്.

മാ​റ​മ്പ​ള്ളി അ​മ്പ​ല​പ്പ​റ​മ്പി​ൽ അം​ബി​ക ഭ​ർ​ത്താ​വ് ഗോ​പാ​ല​കൃ​ഷ്ണ​നൊ​പ്പം ശി​വ​രാ​ത്രി ദി​ന​മാ​യ തി​ങ്ക​ളാ​ഴ്ച​യാ​ണ് മ​ൺ​ക​ല​ങ്ങ​ൾ വി​ൽ​ക്കാ​ൻ മ​ണ​പ്പു​റ​ത്തെ​ത്തി​യ​ത്. ര​ണ്ടു ദി​വ​സ​ത്തെ ഉ​റ​ക്ക​ത്തി​ന് ക​ടം പ​റ​യേ​ണ്ടാ​യെ​ന്നു ക​രു​തി​യാ​ണ് ഇ​ന്ന​ലെ ഉ​ച്ച​യ്ക്ക് അ​തു​വ​രെ ല​ഭി​ച്ച തു​ക എ​ണ്ണി തി​ട്ട​പ്പെ​ടു​ത്തി പ്ലാ​സ്റ്റി​ക് ക​വ​റി​ലാ​ക്കി ചെ​റി​യ പേ​ഴ്സി​ൽ കൈ​യി​ലെ​ടു​ത്ത​ത്. ഉ​റ​ങ്ങി​യെ​ഴു​ന്നേ​റ്റ​പ്പോ​ൾ പ​ഴ്സി​ന്‍റെ സി​ബ് തു​റ​ന്ന നി​ല​യി​ലാ​യി​രു​ന്നു.

മ​ണ​പ്പു​റ​ത്തെ പോ​ലീ​സ് ക​ൺ​ട്രോ​ൾ റൂ​മി​ൽ പ​രാ​തി ന​ൽ​കി​യെ​ങ്കി​ലും തു​ക ക​ണ്ടെ​ത്താ​നാ​യി​ല്ല. പോ​ലീ​സ് പ​രി​ശോ​ധി​ച്ച സി​സി​ടി​വി ദൃ​ശ്യ​ങ്ങ​ളി​ലും സൂ​ച​ന​ക​ൾ ല​ഭി​ച്ചി​ല്ല. മാ​ത്ര​മ​ല്ല കി​ട​ന്നു​റ​ങ്ങി​യ സ്ഥ​ലം നി​രീ​ക്ഷ​ണ കാ​മ​റ​യു​ടെ പ​രി​ധി​യി​ൽ വ​രു​ന്ന​തു​മി​ല്ല. അം​ബി​ക ഭ​ർ​ത്താ​വി​നൊ​പ്പം ഇ​ത്ത​വ​ണ വി​ൽ​പ്പ​ന​യ്ക്ക് വ​ന്ന​തി​ന് ര​ണ്ട് ല​ക്ഷ്യ​ങ്ങ​ൾ കൂ​ടി​യു​ണ്ടാ​യി​രു​ന്നു. ത​ന്‍റെ ഡോ​ക്ട​റേ​റ്റ് പ​ഠ​ന​ത്തി​നാ​യി സ​മു​ദാ​യം​ഗ​ങ്ങ​ളി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ക്കു​ക.

അ​തോ​ടൊ​പ്പം പ​ഠ​ന​ത്തി​ന് വേ​ണ്ട തു​ക​യും ക​ണ്ടെ​ത്തു​ക. അം​ബി​ക​യ്ക്ക് മ​ല​യാ​ള ഭാ​ഷ​യി​ൽ ബി​രു​ദാ​ന​ന്ത​ര ബി​രു​ദ​മു​ണ്ട്. പാ​ല​ക്കാ​ട് നെ​ന്മാ​റ എ​ൻ​എ​സ്എ​സ് കോ​ള​ജി​ൽ മ​ല​യാ​ള ഭാ​ഷാ​ധ്യാ​പി​ക​യാ​യി​രി​ന്നു. തൃ​ശൂ​ർ കോ​ന്നി​യൂ​ർ സ്വ​ദേ​ശി​യാ​യ അം​ബി​ക ഡോ​ക്ട​റേ​റ്റ് എ​ടു​ക്കാ​നാ​യി കൊ​ടു​ങ്ങ​ല്ലൂ​ർ കു​ഞ്ഞി​ക്കു​ട്ട​ൻ ത​മ്പു​രാ​ൻ കോ​ള​ജി​ൽ ഗ​വേ​ഷ​ണം ന​ട​ത്തു​ക​യാ​ണ്.

വേ​ളാ​ർ സ​മു​ദാ​യ​ത്തി​ന്‍റെ ലി​പി​യി​ല്ലാ​ത്ത ഭാ​ഷ​യെ​ക്കു​റി​ച്ചും ജീ​വി​ത​ക്ര​മ​ത്തെ കു​റി​ച്ചും കൂ​ടു​ത​ൽ അ​റി​യാ​ൻ കൂ​ടി​യാ​ണ് അം​ബി​ക എ​ത്തി​യ​ത്. മ​ൺ​ക​ല​ങ്ങ​ളും പാ​ത്ര​ങ്ങ​ളും വി​ൽ​ക്കാ​നാ​യി ജി​ല്ല​യു​ടെ പ​ല​ഭാ​ഗ​ത്തു​നി​ന്നും വേ​ളാ​ർ സ​മു​ദാ​യ​ത്തി​ൽ​പ്പെ​ട്ട കു​ടും​ബ​ങ്ങ​ൾ എ​ത്തി​ച്ചേ​രും. സം​സ്കാ​ര​വും സാം​സ്ക്കാ​രി​ക ഉ​ന്ന​തി​യും എ​ന്ന ഗ​വേ​ഷ​ണ വി​ഷ​യ​ത്തി​ൽ അ​വ ഏ​റെ ഗു​ണം ചെ​യ്യും.

അ​തി​നാ​ലാ​ണ് ഒ​ന്ന​ര വ​യ​സു​ള്ള മ​ക​നെ അ​മ്മ​യെ ഏ​ൽ​പ്പി​ച്ച് ആ​ലു​വ മ​ണ​പ്പു​റ​ത്തേ​ക്ക് വ​ന്ന​ത്. ഫെ​ല്ലോ​ഷി​പ്പ് കി​ട്ടു​ന്ന​തു​വ​രെ ഒ​രു വ​രു​മാ​ന​വും കൂ​ടി പ്ര​തീ​ക്ഷി​ച്ചാ​ണ് പൊ​ള്ളു​ന്ന വെ​യി​ലി​ൽ അം​ബി​ക​യും എ​ത്തി​യ​ത്. അ​തി​നാ​യി ക​ടം വാ​ങ്ങി​യ തു​ക​കൊ​ണ്ട് വി​വി​ധ സ്ഥ​ല​ങ്ങ​ളി​ൽ നി​ന്നാ​യി മ​ൺ​പാ​ത്ര​ങ്ങ​ൾ വാ​ങ്ങു​ക​യാ​യി​രു​ന്നു.

തു​ക കൈ​മോ​ശം വ​ന്നെ​ങ്കി​ലും അം​ബി​ക ത​ള​രാ​ൻ ത​യാ​റ​ല്ല. ഇ​നി​യു​ള്ള ഒ​രാ​ഴ്ച മ​ൺ​പാ​ത്ര വി​ൽ​പ്പ​ന​യും ഗ​വേ​ഷ​ണ​വും ഒ​രേ പോ​ലെ കൊ​ണ്ടു​പോ​കും. ലാ​ഭം ന​ഷ്ട​മാ​യെ​ങ്കി​ലും ക​ടം തി​രി​ച്ച​ട​യ്ക്കാ​ൻ ബാ​ക്കി മ​ൺ​ക​ല​ങ്ങ​ൾ കൂ​ടി വി​ൽ​ക്കാ​തെ മ​ട​ങ്ങാ​നാ​വി​ല്ല അം​ബി​ക​യ്ക്ക്. പ​ക്ഷെ ഗ​വേ​ഷ​ണം ന​ട​ത്തി വി​പു​ല​വും ആ​ധി​കാ​രി​ക​വു​മാ​യ വി​വ​ര​ങ്ങ​ൾ പ​ക​ർ​ത്തി​യാ​യി​രി​ക്കും അം​ബി​ക മ​ട​ങ്ങു​ക.